Temel a Chedaol el Blsoil—Techall el Mo Menglou er a Omesiunged!
1. Ngera bebil er a uchul e ngsoad el menglou er a omesiunged er a chelsel a Ongedei, Ongeuang, me a Ongeim el Buil?
1 Kau ngsebechem el menglou er a omesiungem er tia el merael el mei el temel a Chedaol el Blsoil? Ngbetok el basio a blechoel el ungil a eanged er ngii e meoud el mo milkolk. A rebebil er a rechad el mla mo oldingel a obliil a mo er ngii a ulengellir er a ureor me a skuul me ngsebechir el ousbech el kirel a omesiungir. Me ngomuchel er a April 2, e kede mo oldeu a rengud el meruul er a ileakl el ureor el mengemedaol er a resemeriar el chad el mo obengked el ngar er a Chedaol el Blsoil er a April 17. A uriul er isei, e ngsebeched el lmuut el mo omes er tirke el mlei er a Chedaol el Blsoil e omekeroul er sel klemeriarreng er tir e mengemedaol er tir el mo er sel ileakl el cheldecheduch el mo er ngii er sel sandei er a April 25. Nguaisei, ngngar er ngii a kmal betok el ungil el uchul e ngsoad el menglou er a omesiunged er a chelsel a Ongedei, Ongeuang, me a Ongeim el Buil.
2. Ngerang a ta er a kot el ungil el rolel a bo donglou er a omesiunged?
2 Auxiliary Pioneer: A ta er a kot el ungil el rolel a bo donglou er a omesiunged a oeak sel bo dosiou el auxiliary pioneer. Kid el rokui a ulterekokl el di mechesang, me ngkired el di me a kot e melib a tekoi el bo doruul e remuul a schedule er kid el mo ungil. (Osi. 21:5) Ngungil a domuchel el kutmokl a meklou a ultutelel el tekoi e debechei aike el mekekerei el kuk mo kirel a ta er a taem. (Fil. 1:9-11) Nglocha sebechem el ouchais er a rebebil er a chelsel a ongdibel el kirel a urungulem el soam el mo pioneer e mesa el kmo te ngar er ngii a resorir el mo obengkem er tia el rolel a omesiou?
3. Ngmekerang e sebechel a telungalek el menglou er a omesiungir?
3 Sel lebo er ngii a temel a Omengull el Telungalek er kemiu, e ngungil a bo mosaod a turrekong er kemiu. (Osi. 15:22) Ngoeak a ngelsuil a derta me a derta el chedal a telungalek, e ngsebechir a rebebil er tir el mo auxiliary pioneer er a tang me a lechub e ngkuk betok el buil. E kuk mekerang a lsekum e ko mo medengei el kmo ngdiak el sebechiu el meruul er tiang? Ngdirk sebechel a telungalek el menglou er a omesiungir el oeak sel bo el loldingel a lekebesesengei me a lechub e te komengetii a taem el loldingel a le Sebadong me a Sandei.
4. Ngera el klengeltengat a mo er ngii el oeak sel donglou er a omesiunged er a temel a Chedaol el Blsoil?
4 A Jehovah a omes aike el rokui el doruul el ngar er a omesiunged el mo er ngii e dmeu a rengul el kirel. (Heb. 6:10) A deurreng a mo er ngii sel debsang a Jehovah me a rebebil aike el ngar er ngii er kid. (1 Kr. 29:9; Rel. 20:35) Ngsebeched el menglou er a omesiunged er chelecha el temel a Chedaol el Blsoil me bo el sebeched el meridm er a klou el deurreng me a klengeltengat el ulterekokl el mo er ngii.