“Me Ko Mo Meruul el Uaisei”
Chedaol el Blsoil el Mo er Ngii er a April 5
1. Ngera uchul me a Chedaol el Blsoil a klou a ultutelel?
1 “Me ko mo meruul el uaisei.” (Lk. 22:19) Ngoeak aike el tekoi, e a Jesus a dilu er a rulebengkel el mo mengedaol er a kodellel. Sel domtab a rokui el tekoi el mileketmokl el okiu a olubet, e ngdiak a ta el sils el lmuut el klou a ultutelel e mekreos el kirir a Rekristiano el uai a Chedaol el Blsoil. Me chelecha el lolekedang a April 5, e ngmekerang a dolecholt er a omereng el saul er kid el mo er a Jehovah?—Kol. 3:15.
2. Ngmekera dolecholt er a omereng el saul el kirel a Chedaol el Blsoil el oeak sel dosuub e dolebedebek a tekoi?
2 Mongetmokl er Kau: Kid a blechoel el mengetmokl er kid el kirel a tekoi el domdasu el kmo ngmeklou a ultutelel. Me ngsebeched el kutmeklii a rengud el kirel a Chedaol el Blsoil sel dedak el ongalek el mesuub e dolebedebek a tekoi el dilubech er aike el ulebongel el sils er a klengar er a Jesus. (Esra 7:10) A bldeklel a Omengiuel a Biblia er a Chedaol el Blsoil a sebeched el metik er ngii er a 6 el llel a Omesiunged el kirel a Renged er a November 2011.
3. Ngmekerang a dolecholt a omereng el saul er kid el kirel a Chedaol el Blsoil el oeak sel donglou er a omesiunged?
3 Momerk er a Klumech: Ngdirrek el sebeched el ochotii a omereng el saul er kid sel dousbech er a klou el temed el teloi er a ureor er a berkel a klumech. (Lk. 6:45) A ureor el mo er ngii er a beluulechad el rokir el mengemedaol er a rebebil el mei er a Chedaol el Blsoil a omuchel er a Sebadong el March 17. Ngsebechem el ngodechii a temem me bo monglou er a omesiungem el mo auxiliary pioneer? Ngdirrek el sebechiu el mo mesaod el kirel tia el tekoi er a temel a Omengull el Ongalek.
4. Ngera el klungiaol a bo dengai e le kid el mo er a Chedaol el Blsoil?
4 Ngmera el mo uchul a klungioled sel bo deteloi er tia el Chedaol el Blsoil er a bek el rak! Sel dolebedebek el kirel a klungiolel a rengul a Jehovah el milskid a di ta el Ngelekel el mo olubet, e ngmo klou a deurreng er kid me a bltkil a rengud el kirel a Dios. (Jn. 3:16; 1 Jn. 4:9, 10) Tiang a rullid el mo soad el kiei el diak di el kired. (2 Ko. 5:14, 15) E dirrek el mekurulii a urunguled el mo soad el oldanges er a Jehovah el ngar er a buai. (Psa. 102:19-21) Nguaisei, a rechedal a Jehovah a oba omereng el saul e omes el bedul sel techall el bo lobang er a Chedaol el Blsoil el mo er ngii er a April 5 el mo “omerk ra kodellel a Rubak.”—1 Ko. 11:26.