A Ureor el Mo Ouchais el Kirel a Chedaol el Blsoil a Mo Omuchel er a March 1
1. Kede mo omuchel el ouchais el kirel a Chedaol el Blsoil er oingerang, e ngera uchul me chelecha el rak e tia el ureor a mo telkib el kemanget a temel?
1 Kede mo omuchel el mengemedaol er a rechad el mei er a Chedaol el Blsoil er a Ongeim el Ureor el March 1. A Chedaol el Blsoil a mo er ngii er a March 26 me ngbelkul a kmo a taem el dousbech er ngii el meruul er tia el ureor a mo telkib el kemanget er aika el mereko el rak. Tiang a mo mesterir a rebetok el chad a techall el mo nguu a siotaikeng er tir, el ileakl a lsekum e te kiei er a basio el klou a territory er ngii.
2. Ngerang a ulekrael el kirel a rolel a dolai a siotaikeng e doureor a territory?
2 Rolel a Doruul er Ngii: A remechuodel a mo meskid a ulekrael el kirel a rolel a doureor er a territory, e dirrek el mo ouchais er kid el kmo kede mo omechei a siotaikeng er aike el blai el diak a rechad er ngii me a lechub e ngdiak. A lsekum e ngmo er ngii a siotaikeng el medechel er a uriul er a bo demerek a rokui el territory, e ngsebeched el mo merous sel dousioning er a buai. Ngike el odam el oungerachel a tekoi er a odingel a obliil a kirel mesa el kmo ngar er ngii a siotaikeng er a blil a babier el sebechir tirke el oldingel el mo melai, engdi aika el siotaikeng a diak el kirel motobed el rokui er a di ta el taem. Ngkired el di melai aike el dousbech el kirel sel sandei el bo doldingel.
3. Ngera kired el melatk er ngii sel dorous a siotaikeng?
3 Aike el Bo Dolekoi: Ngungil a di lekedeb a cheldechedechad me bo el sebeched el mengedecheduch er a rebetok el chad. Ngsebeched el ousbech er sel rolel a domuchel a cheldecheduch el ngar er a 4 el llel e rullii el mo ungil el kirel a territory er kid. Nguaisei, engdi ngdiak el kired el orreched a lsekum a chad er a blai a ungil a rengul me a lechub e ngar er ngii a keril. Sel dorous a siotaikeng sel Sebadong me a Sandei, e ngdirrek el kired el merous a magazine el mo er tirke el sorir. Ngdiak bo domuchel a omesubel a Biblia el obengterir a rechad er a March 2 e kede bai di mo merous a siotaikeng.
4. Ngera uchul me ngkired el mo blak a rengud el teloi er tia el ureor er a omerusel a siotaikeng?
4 Kede oureng el kmo te betok el chad a me obengked er a Chedaol el Blsoil. A cheldecheduch el mo er ngii a mo mesaod el kmo ngtechang a Jesus. (1 Ko. 11:26) Ngmo mesaod el kmo ngmekerang a kodellel a lengesukid. (Rom 6:23) E dirrek el mo mesaod er a uchul me ngklou a ultutelel a dolatk er ngii. (Jn. 17:3) Me a leuaisei, e bo leblak a rengud el teloi er tia el ureor er a omerusel a siotaikeng.