Mosaod er a Di Chimo el Tekoi Sel Morous er A Ongkerongel

A derta er aika el magazine er kid a mesaod a kakerous el tekoi. Me ngungil a di dosaod er a chimo el tekoi er a bai bo dosaod a betok el tekoi sel dongedecheduch er a chad er a blai. A lsekum e kede kerekikl el omes a tekoi e medengei aike el ngar er a chelsel a magazine er kid, e ngsebeched el ngiltii a suobel el ngar er A Ongkerongel el bo lesemeriar er ngii a chad er a blai. El uai tiang, a lsekum e kede mes a toys er a rengalek sel debo er a blai, e ngsebeched el ngiltii el mo mesaod er a suobel el kirel a klengar er a telungalek. Me a lsekum e a sechal a mei er a tuangel, e ngsebeched el mesaod er a tekoi el lesemeriar er ngii a rebetok el sechal, el uai a ungil el kabelment. Me sel dosaod er a di chimo el tekoi, e kede ouchais er a ungil chais er a Renged el ngar er a beot el rolel el sebechel a chad er a blai el dobedebekii.