Lmuut el Mo Ungil a Duch er Kid el Ngar er a Omesiunged—Omuchel a Omesubel a Biblia er a Medal a Tuangel el Ousbech er a Ungil Chais el Mla er a Dios! el Babier
A Uchul Me Ngklou a Ultutelel: A lsoad el meruul a redisaiplo e ngkired el mo olisechakl er a Tekingel a Dios. (Mt. 28:19, 20) Kid el rokui a sebeched el mo ungil el olisechakl er a klemerang el ousbech aike el dongu el bla dengai. A Ungil Chais el Mla er a Dios! el babier a mileketmokl el mo ngosukid el mo olisechakl er a klemerang el mo er a rechad. Ngdirrek el sebeched el ousbech er ngii el omuchel a omesubel a Biblia el obengkel a chad er a blai sel dekot el oldingel er ngii.
Molasem er Tiang er Chelecha el Buil:
Moluluuch me bo el soam el mesuub a Biblia el obengkel a chad. E molengit er a Jehovah el kirel a ngeso me bo el sebechem el omuchel a omesubel a Biblia el obengkel a chad e dirrek el mo meduch el olisechakl er a klemerang.—Fil. 2:13.
Sel temel a omengull el telungalek me a lechub e ngomesubem el di kau el tang, e mchitii a klou el taem el mesuub er a cheldechedecham. Seikid e ngmo sebechem el mengedecheduch el oba ulterekokl el reng e mo omuchel er a omesubel a Biblia er a medal a tuangel sel moldingel.