Molisechakl el Ousbech er a Ungil Chais el Babier
1. Ngua ngera oketmeklel a Ungil Chais el babier?
1 Ngua dulsaod er a Omesiunged el Kirel a Renged er a July, a ta er a klou a ultutelel el dongu el ngar er a blil a dongu er kid a Ungil Chais el Mla er a Dios! el babier. A oumesingd el bades el ngar er a chelsel tia el babier a kired el menguiu me bo el sebechel a chad er a blai el mo dmeu a rengul el mesuub er a Biblia. Me alta e a betok el babilenged a mileketmokl me bo el sebechel a chad el di ngii el mesuub, engdi tia el babier a rruul el kired el ousbech er ngii el mesuub el obengkel a chad. Sei a uchul me sel dorous er ngii, e ngkired el melasem el ochotii a rolel a dosuub er ngii me bo el sebechel a chad el mesa klungiolel a desuubii a ungil chais er a Biblia.—Mt. 13:44.
2. Ngmekerang a dousbech er a Ungil Chais el babier sel dekot el mengedecheduch er a chad?
2 Sel Omkot el Mengedecheduch er a Chad: Ngsebechem el dmu el kmo: “Aki di oldingel e le rebetok el chad a suebek a rengrir el kirel aike el mo duubech el me er tia el beluulechad. A omomdasu ngsebechel a blekeradel er tia el beluulechad el mo ungil? [Mongiil er a nger er ngii.] Ngar er a Biblia e ngmeskid a ungil chais el uchul a omelatk er a ngar medad el klebesei. Aikaikid a bebil er a ker el longer a Biblia.” Bsa chad er a blai tia el babier, e molengit er ngii me bo el ngiltii a soal el ker el ngar er a ikrel tia el babier. E sola e mochotii a rolel a dosuub el ousbech er a kot el parakurab er sel suobel el lengileltii. A lmuut el ta er a rolel a omoruul er tiang a oeak sel moker er a chad er a blai a ker el omeksemeriar er ngii el mengai er a suobel el mngileltii, e sola mochotii a rolel e tia el babier a sebechel ngosuir el metik er a nger el ngar er a Biblia. A lsekum e ngar er ngii a video el ngar er a jw.org el mesaod er a osisiu el tekoi el uai sel suobel el mosuub er ngii, e a rebebil er a publisher a orrael er ngii er sel taem el longedecheduch er a chad.
3. Mosaod er a rolel a omosuub el obengkel a chad el ousbech er a Ungil Chais el babier.
3 Rolel a Omosuub: (1) Monguiu aike el mechedelekelek el ker me bo el sebechel a chad er a blai el omtab er a klou a ultutelel el tekoi. (2) Mchiuii a parakurab. (3) Monguiu aike el bades el ngar er a ulebengelel a parakurab e mousbech a ungil el ker el sebechel el mo ngosuir a chad er a blai el mo mesa rolel a bades a longer aike el mechedelekelek el ker. (4) A lsekum e ngar er ngii a lmuut el ta er a parakurab er cheungel sel ker, e momelekl er a 2 me a 3. E a lsekum e ngar er ngii a video el kirel tia el ker e dirkak morelii me lomes er ngii a chad er a blai, e ngungil a omorelii er sel taem el mongedecheduch er ngii. (5) E sola e moker er a chad er a blai er a nger er a ker me bo modengei el kmo ngmera el medengelii me a lechub e ngdiak.
4. Ngera mo ngosukid el mo meduch el ousbech er tia el klou a ultutelel el dongu?
4 Bo mungil medengelii tia el babier. Mousbech er ngii er a bek el ungil techall. A uchei er a omosuub, e molatk er a chad el mosuub el obengkel me a kot el ungil el rolel e ngsebechem el mesaod a tekoi el obengkel el ousbech aike el bades el ngar er a suobel. (Osi. 15:28; Rel. 17:2, 3) Me sel obo meduch el ousbech er tia el babier, e ngmo sebechem el omes er ngii el ua ta er a kot el ungil el dongu el sebeched el lousbech er ngii el olisechakl er a rechad el kirel a klemerang.