“These Words . . . Must Be on Your Heart”

A ruungalek a di uai a remengkerengel a sib. Ngkirir el mo ungil omekerreu er a rengelekir, e le ngsebechir el mo cheroid er a Jehovah e mo beot er tir a modechelakl. (Osi. 27:23) Te mekerang a ruungalek e kutmeklii tia el ngerachel? Ngkirir el mo mengoit a klou el taem el mengedecheduch er a rengelekir er a bek el sils me bo el sebechir el mo medengei aike el ngar er a uldesuir me a rengrir. (Osi. 20:5) E sola e kirir el oterekeklii el kmo a klaumerang er a rengelekir a mesisiich. (1 Ko. 3:10-15) A video el “These Words . . . Must Be on Your Heart” a ochotii a klungel a ultutelel a bo leblechoel el ngar er ngii a omengull el telungalek. Me aki olengit er a bek el telungalek me bo ledak e lomes er ngii el video e losaod aika el ker el beldukl er iou.

(1) Ngera uchul me a telungalek er a Roman a dimlak loltaut a osengir er a omesiungir el mo er a Jehovah? (2) Ngera uchul me a Brother Roman er a lolasem el lomuchel er a omengull el telungalek er tir e ngdimlak el meketmokl? (3) Ngera el ulekrael er a Biblia a mo uchul a ungil el okurulir a rengalek? (Dut. 6:6, 7) (4) Ngera el tekoi a mo uchul e ngmo er ngii a ungil cheldecheduch er a chelsel a telungalek? (5) A rengalek ngsorir a redemerir me a rederrir a loruul a ua ngera el omelenget? (6) Ngmilekerang a Brother me a Sister Barrow e mlo ungil el kerebai el kirel a telungalek er a Roman? (Osi. 27:17) (7) Ngera kirel a bdelul a telungalek el meruul er a uchei me bo el sebechel a omengull el telungalek el mo ungil meketmokl? (8) Ngera el ungil el tekoi a lurruul a Brother Roman el kirel a telungalek er ngii? (9) Ngera uchul me ngblechoel kirel ngar er ngii a omengull el telungalek? (Efe. 6:4) (10) Ngera bebil er a tekoi el sebeched el meruul er a temel a omengull el telungalek? (11) Ngmilekerang a Brother Roman e uleba kllourreng e dirrek el mle ulterekokl a tekingel er a lolengeseu er a Marcus el mo mesa klungel a ultutelel a loruul er a melemalt el tekoi? (Jer. 17:9) (12) Ngmilekerang a Brother me a Sister Roman e mlo ungil smaod a tekoi el obengkel a Rebecca el ngosuir el mo ungil melilt a tekoi el kirel a deleuill er ngii me a Justin? (Mk. 12:30; 2 Ti. 2:22) (13) Ngmilekerang a Brother me a Sister Roman e ullecholt er a klaumerang er tir er sera lolodech a tekoi er a chelsel a klengar er tir? (Mt. 6:33) (14) Ngmekera tia el video e ochotii a klungel a ultutelel el kirir a rebek el bdelul a telungalek el mo omekerreu er a deleuill er a telungalek er tir me a Jehovah? (1 Ti. 5:8) (15) Kau el bdelul a telungalek, ngera ngulterekokl a rengum el mo meruul er ngii er a temel a omengull el telungalek?

ULEKRAEL EL MO ER A REBDELUL A TELUNGALEK: Tia el sibai a mlocholt er aike el meklou el ongdibel er a 2011. Seikid el taem, e ngmle sebechem el mes a bebil er a omelodech el mle kirem el meruul el kirel a omengull el telungalek er kemiu? E kuk ua ngerang er chelechang? A lsekum e ngdirk ngar er ngii a kirem el melodech, e molengit er a Jehovah el kirel a ngeso el mo meruul me bo luchul a diak a ulebengelel el klungiaol el kirel a telungalek er kau.​—Efe. 5:15-17.