Mngesuir a Telungalek er Kau Me Lak Lobes er a Jehovah

A Jeremia a mlodurech el mo omeklatk er a Rechijudea el kirel a tellemall el mo er ngii e le tir el ulebes er a Dios er tir el Jehovah. (Jer 13:25) Ngmilekera tia el renged e mlo uaisei? Ngmla er ngii a bebil el telungalek er a Israel el mlo diak lolatk er a deleuill er tir me a Dios. Me tirke el bdelul a telungalek a dimlak loltirakl a ulekrael er a Jehovah el medung er a Duteronomi 6:5-7.

A telungalek el mesisiich a klereng er ngii a mo uchul a mesisiich el ongdibel er chelecha el sils. Me a rebdelul a telungalek a sebechir el ngosuterir a retelungalek er tir el mo diak lobes er a Jehovah sel ngar er ngii a ungil el prokuram er a Omengull el Telungalek er tir. (Psa 22:27) Uriul er a omomes er a video el “These Words . . . Must Be on Your Heart”​—Family Interviews, e monger aika el ker:

• Ngmekerang a bebil er a telungalek e mlo mesisiich er a omelsemai el blo lechelebangel el kirel a omengull el telungalek er tir?

• Ngera bebil er a klungiolel a lengar er ngii a ungil el prokuram er a Omengull el Telungalek er kid?

• Ngera el omelsemai a mo er ngii sel kurruul a omengull el telungalek er kemam, e mekerang ak sumechokl aikang?