Ileakl el Ureor er a Omerusel a Invitation er a Klou el Ongdibel

Kede kmal semeriar er a bek el rak el kirel aike el cheldecheduch er a Biblia el bo doldeu a rengud er ngii el ngar er aike el meklou el ongdibel er kid. Ngdirrek el soad a rebebil a bo el cheremii a ungilreng er a Jehovah, a uchul me ngsoad el mo er a tkurrebab el sebeched el mo mengemedaol er a rebetok el chad el me obengked. (Psa 34:8) A remechuodel a mo omes el kmo ngerang a kot el ungil el rolel a bo dorous aika el invitation.

TEKOI EL KIRED EL MELATK

• Ngoingerang e ngmo er ngii a klou el ongdibel er kid?

• Ngoingerang e ngmo er ngii a ileakl el omerusel a invitation er kid?

• Ngoingerang a temel aike el miting er a odingel?

• Ngera turrekong er ngak el kirel tia el ileakl el ureor er a omerusel a invitation?

• Ngtechang a soak el mo mengemedaol er ngii el mei?

NGERA KE MO MELEKOI?

A uriul er a omoutkeu er a rechad, e ngsebechem el dmu el kmo:

“Aki teloi er tia el ureor er a beluulechad el rokir el mengemedaol er a rechad el me er tia el kmal klou a ultutelel el ongdibel. A sils, me a taem, me a basio a llechukl er tia el invitation. Me ngkmal mo dmeu a rengmam el mo mesekemiu.”

NGMEKERANG A MOMEKSEMERIAR ER A RECHAD?

Ngmera el soad el mengemedaol er a rebetok el chad el mei er tia el klou el ongdibel, engdi ngkired el mo melemolem el omekeroul er a klemeriarreng er tir.

Ngdirrek el sebeched el merous a invitation el obengkel a Ongkerongel sel Sebadong me a Sandei.