Watchtower ONLINE LIBRARY
Watchtower
ONLINE LIBRARY
Palauan
  • BIBLIA
  • BABIER
  • MITING
  • wp20 no. 3 8-9 el llel
  • Kede Mesuub el Kirel a Dios Lokiu a Reprofet er Ngii

Ngdiak a video el kirel tiang.

Mousubes, ngdimlak el sebechel el load a video.

  • Kede Mesuub el Kirel a Dios Lokiu a Reprofet er Ngii
  • A Ongkerongel Ouchais er a Rengedel a Jehovah (Buai)—(2020)
  • Mekekerei el Dai el Ngar er a Suobel
  • Kmeed el Osisiu el Suobel
  • ABRAHAM
  • MOSES
  • JESUS
  • A JESUS A DIAK EL DIOS
  • Mngai a Diak a Ulebengelel el Klengeltengat er Ngike el Ulemeob
    A Ongkerongel Ouchais er a Rengedel a Jehovah (Buai)—(2020)
  • Ngera Ngmirruul a Jesus er a Lengar Tia el Chutem?
    Mkiei el Mo Cherechar!​—Omesubel a Biblia el Di Rolel a Cheldecheduch
  • Ngtecha Jesus Kristus?
    Ngerang Mera el Lolisechakl a Biblia?
  • A Jesus Ngmera el Uangerang?
    Mkiei el Mo Cherechar!​—Omesubel a Biblia el Di Rolel a Cheldecheduch
A Ongkerongel Ouchais er a Rengedel a Jehovah (Buai)—(2020)
wp20 no. 3 8-9 el llel
A Abraham el lomes a btuch e oldars a chimal.

Kede Mesuub el Kirel a Dios Lokiu a Reprofet er Ngii

A irechar, e a Dios a milsterir a reprofet a meklou a ultutelel el klumech el mora rechad. Aika el klumech ngsebechel lochotii a rolel e kede ngmai a klengeltengat er a Dios? Ngsebechel. Me bo domes a tekoi el sebeched el suub er tirka el tedei el profet.

ABRAHAM

A Dios a diak longetukel e soal lomekngeltengat er a rokui el chad.

A Dios a tilbir el mora profet Abraham el kmo a “rokui el beluu er a beluulchad a mo olengit er ngak el mo omekngeltengat er tir el ua bla kumekngeltengat er kau.”​—Genesis 12:3.

Ngera kede suubii? A Dios a kmal betik a rengul er kid e soal lomekngeltengat er a rokui el telungalek, el sechal, redil, me a rengalek el tir a olengesenges er ngii.

MOSES

A Dios a chubechubechad e omekngeltengat er tirke el melasem el mo medengelii.

Ngike el Olab a Bek el Klisiich a milsa profet Moses a klisiich el meruul a mengasireng el tekoi. Me nguaisei, engdi a Moses a milluluuch el kmo: “Mochotii a uldesuem me bo le sebechek el mo medengelkau, e bo kblechoel el omotech er a rengum.” (Exodus 33:13) A Dios a mle dmeu a rengul er a ongtil a Moses me ngulemekngeltengat er ngii er a klemedengei me a duch el mtab a Rolel me a blekerdelel. El ua tiang, a Moses a silubii el kmo Ngika el Ulemeob a “Dios el mui er a blekokuii ma klechubechub.”​—Exodus 34:6, 7.

Ngera kede suubii? A Dios a soal lomekngeltengat er kid el rokui, el sechal, redil, me a rengalek a lsekum kede melasem el mo ungil medengelii. Ngar er a Chedaol Llechukl e ngochotii a rolel a dongull er ngii, ngdirrek el melekoi el kmo ngkmal semeriar el meskid a kengei me a klengeltengat er ngii.

JESUS

A Jesus lomekungil er a chad el smecher el chebedes.

A Jesus a uleba klechubechub el lomekungil a rakt

Ngsebeched el ngmai a diak a ulebengelel el klengeltengat er a Dios a lsekum kede mesuub el kirel a Jesus me aike el leriruul me a lullisechakl.

A Tekingel a Dios a llechukl er ngii a betok el tekoi el kirel a klengar er a Jesus me a osisecheklel. A Dios a milsa Jesus a klisiich el meruul a betok el mengasireng el tekoi, el ua sera lomekungil er a remeiko, remechad, me a rechitechut. Ngdirrek el ullekiis er a rulekoad. Me a Jesus a ullecholt aike el klengeltengat el Jehovah a mo mesterir a rechad er a ngar mederir el taem. Ngmilsaod er a rolel e ngsebechel a derta er kid el ngmai aike el klengeltengat el kmo: “A diak a ulebengelel klengar a belkul a kmo, bo lodengelkau el di ta el meral Dios, e bo lodengelii a Jesus Kristus el ngikel mulderchii el mei.”​—Johanes 17:3.

A Jesus a chubechubechad, e medemedemek, e bekokuii. A resechal me a redil, el meklou me a remekekerei a mlo er ngii e le ngdilu el kmo: “Mosuub er ngak, ele ngak a medemedemek e ngariou a renguk; me kom mo metik er a ulengelliu.” (Mateus 11:29) Ngdimlak el ua rechad er a taem er ngii el mle mekngit a omerellir el mora redil, e ngbai mle bekokuii, e milengebkall, e milengull er tir.

Ngera kede suubii? A Jesus a ullecholt a dmolech el bltikerreng el mora rechad, e milecherei a kot el ungil kerebai el kirel a omerelled el mora tang me a tang.

A JESUS A DIAK EL DIOS

A Chedaol Llechukl a olisechakl el kmo ngar ngii a “di tal Dios” e a Jesus Kristus a ngariou a rengul el oderchelel. (1 Korinth 8:6) A Jesus a di mle bleketakl louchais el kmo a Dios a kuk ngarbab er ngii, e ngii el Dios a ulderchii el mei er a chutem.​—Johanes 11:41, 42; 14:28.a 

a A lsoam el mo medengei a lmuut el betok el kirel a Jesus Kristus, e momes er a 8 me a 9 el suobel er a Real Faith​—Your Key to a Happy Life el ngar er a www.jw.org.

    Palauan Publications (1996-2024)
    Log Out
    Log In
    • Palauan
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share