Bo Mungil el Outkeu er Tir

Kede outkeu er a rua techang? Ngii di el chad el mei er a miting er kid, el tirke el beches el mei me a resechelid. (Rom 15:7; Heb 13:2) Ngsebechel el kldemed er a klaumerang el mla er a ta er a beluu el mei me a lechub e ng Kristiano el mle meketeket el cheroid er a ongdibel e meremang. Ka di molatk er kau omko ke mla er a chouaisei el blekeradel. Ngulterekokl el kmal mo ungil a rengum omko a chad a mo ungil el outkeu er kau. (Mt 7:12) Me ngsebechem el melasem el mo outkeu er a rokui el chad er a uchei me a uriul er a miting? Tiang a mo uchul e a ongdibel a meteketek er a bltikerreng e dirrek el kobkellii a Jehovah. (Mt 5:16) Nguaisei engdi nglocha diak el sebeched el mengedecheduch er a rokui el chad, engdi a lsekum e kede rokui el meruul er sel sebeched, e a rokui el chad a mo ungil a rengrir.a

A domtechakl er a rechad e ngdiak di el ngar aike el ileakl el temel a ongdibel er kid el ua temel a Chedaol Belsoil, e ngbai kirel el bek el taem. A rebeches el chad sel lesang e bo lolechesuar er tia el bltikerreng er a delongeled, e ngmo sorir el oldanges er a Dios e me obengked el ngar er a ta el omengull.​—Jn 13:35.