Mouetkeu er Tirke el Mei

Ngklou a techall er a bekord el 12 miliol el chad a mei er a Chedaol Belsoil er chelecha el rak er a March 23. E sel lemei e ngsebechir el mo rongesii ngike el odam el mo mengedecheduch el mo mesaod er a olubet el tenget el sengk el mla er a Jehovah me a bebil er aike el klengeltengat el mo er a rechad er a ngar mederir el klebesei! (Isa 11:6-9; 35:5, 6; 65:21-23; Jn 3:16) Engdi, ngdiak el di el ngike el odam el mo mengedecheduch a sebechel el melisiich er a rechad e lemerekong. Kid me ngdirrek el sebeched el melisiich er tir. (Rom 15:7) Aikaikid a bebil er a rolel a doruul er tiang.

• Ngungil a doba deurreng el outkeu er tirke el beches el chad me a dirrek el tirke el mla mo diak loldingel a obliil el mei er a Chedaol Belsoil er a bai di dengar er a kingelled e dongiil el dimerekmo sel lomuchel a prokuram

• Ngsebeched el mengedecheduch er tirke el dulengemedaol er tir me a dirrek el tirke el mlei er a Chedaol Belsoil e le tir el ngiluu a invitation. Molengit er tirkaikid el beches el chad el mo dengchokl el obengkem, e mdak el ousbech er a Biblia er kau me a blil a cheliteklem

• A uriul er a miting e ngsebechem el ngosuterir a rechad el ngar er ngii a kerrir. Engdi a lsekum e ngkosekodel a taem e le ta er a ongdibel a mo er ngii a miting er tir er a uriul er a miting er kid, e ngsebechem el ouchais er ngii el chad el kmo ngsebechem el oterekeklii a temem el mereched el mo oldingel er ngii. E a lsekum e ngdiak modengelii a dengua er ngii, e ngsebechem el dmu el kmo: “Ngkmal soak el mo medengelii a uldesuem el kirel tia el prokuram, engdi ngar er ngii a rolel e ngsebechek el mengedecheduch er kau?”