Lmuut El Mo Ungil A Duch Er Kid El Ngar Er A Omesiunged​—Olengeseu er Tirke el “Rredemelel” a Mo Disaiplo

A UCHUL ME NGKLOU A ULTUTELEL: A Jehovah a remuul a tane er a klemerang el mukeroul er a rengrir tirke el “rredemelel a diak a ulebengelel el klengar.” (Rel 13:48, NW; 1Ko 3:7) Kede oureor el obengkel lokiu sel bo leblak a rengud lolengeseu er tirke el chad el sorir loltaut aike el bla lesuub. (1Ko 9:26) A remesuub a Biblia a kirir el mo medengei el kmo a techolb er a Rekristiano a klou a ultutelel e le nguchul osobel. (1Pe 3:21) Me kede ngosuterir el mo disaiplo lokiu sel dosisecheklterir el mo meruul a omelodech er a klengar er tir, e mo omerk e olisechakl, e tuib a klengar er tir el mora Jehovah.​—Mt 28:19, 20.

ROLEL A MORUUL ER NGII:

• Momeklatk er tirke el mesuub a Biblia lobengkem el kmo a moktek er a omesubir a mo ngosuterir el mo ‘medengelii’ a Jehovah e oldeu er a rengul.​—Jn 17:3

• Mngesuterir el mo olengeriakl lokiu sel bo lemesisiich a omelsemai el bo lechebangel el ua mekngit el omeruul me a klausechelei

• Molisiich er tir er a uchei me a uriul er a lemetecholb.​—Rel 14:22

MOMES ER A VIDEO EL JEHOVAH GOD WILL HELP YOU, E MONGER AIKA EL KER:

• Ngera ike el uchul me a chad a omai er a rengul a mo rullii a telbilel a rengul e mo metecholb?

• Te mekera remechuodel a lengesuterir tirke el mesuub el mo olengeriakl?

• Ngera ngosisecheklid er ngii a Isaia 41:10 el kirel a Jehovah?

• Ngera el blekeradel a mo ngosukid el mo kongei el mesiou er a Jehovah alta ngdiak demecherrungel?