Kemiu el Ngeasek​—Bom “Semeriar el Meruul a Ungil el Tekoi”

Ngar er a mlukreng el babilengel el mora Titus, e a apostol Paulus a milluches el kmo a remekekerei el chad, el uldimukl er a Titus a kirir el melasem er a tkurrebab el sebechir el mo ‘ungil omerellir er a rokui el tekoi.’ (Tit 2:6, 7) E a uriul, el ngar tia el osisiu el bliongel, e ngmillekoi el kmo a rechedal a Jehovah a mekikiid me bo el sebechir el mo “semeriar el meruul a ungil el tekoi.” (Tit 2:14) E a ta er aika el ungil el tekoi a mo omerk e olisechakl el kirel a Rengedel a Dios. Me a lsekum e ke ngeasek, e kau, ngsebechem el ousbech er a klisichem el mo mesiou el auxiliary me a lechub e ke mo regular pioneer?​—Osi 20:29.

A lsekum e ngsoam el mo mesiou el pioneer, e mketmokl a tekoi er a klengar er kau me bo el sebechem el mo teloi er tia el rolel a omesiou. (Lk 14:28-30) El ua tiang, ke mekera e mo sebechem el di kau el mesiou er kau sel omngar er a mui el taem el omesiou? E mekera bo moruul a temem? Molengit er a Jehovah me lengesukau. (Psa 37:5) E mosaod a telbilem el obengkel a demam me a delam me a dirrek el tirke el mla mesiou el pioneer el kemanget el taem. E moruul a tekoi el mo otutii tia el turrekong er kau. A Jehovah a ulterekokl el mo omekngeltengat er a blakerreng er kau er tia el urered el mesiou er ngii!

MOMES ER A VIDEO EL YOUTHS HONORING JEHOVAH, E MONGER AIKA EL KER:

• Ngera el omelsemai a mle kirir a rebebil el mo mesisiich er ngii me bo el sebechir el mesiou el pioneer, e milekera er a loruul er ngii?

• Te mekera ruungalek a lengesuterir a rengelekir el mo mesiou el regular pioneer?

• Ngera uchul me ngklou a ultutelel el lebo er ngii a schedule er kid el mo oldingel?

• Te mekera rechad er a ongdibel a lolisiich e lolengeseu er a pioneer?

• Ngera el klengeltengat a mo er tirke el mesiou el pioneer?