Ngera Sebechem el Suub er Aike el Original Songs?

Ngera bebil er a kot el soam el original songs? E ngera uchul? Omomdasu aika el video ngolecholt a tekoi el kirel a klengar er kid er a bek el sils? Ngkmal betok el kakerous a dai er ngii me a ongngak, el ngar ngii a lerellii er a rebek el chad. Me nguaisei, engdi aika el original songs me a video er ngii a ngar ngii a lmuut el dmolech el belkul el diak di longelaod er kid e lemerekong.

A derta er aika el original song a osisecheklid er a tekoi el sebeched loltaut er a klengar er kid a Rekristiano me a omesiunged. A bebil er ngii el chelitakl a mesaod el kirel a doltuchakl er a rechad, kltarreng, klausechelei, blekeu, bltikerreng, me a lechub a klaumerang. E a kuk bebil a mesaod el kirel a deluut el mora Jehovah, dousubes er a rebebil, dolemolem er a blakerreng er kid er a bek el sils, e dosiik a lmuut el bebil rolel e kede omekeroul er a omesiunged el mora Jehovah. Ngdirrek el ngar ngii a chelitakl el kirel a tabesul el usbechel a cell phone. Ngera lmuut el bebil el bla msuub el ngar aika el original songs?

MOMES ER A ORIGINAL SONG VIDEO EL JUST AROUND THE CORNER, E MONGER AIKA EL BELDUKL EL KER:

• Ngera el klengeltengat er a ngar medad a lomes el bedulngii tirka el chudela el obekel?​—Gen 12:3

• Ngmekera dolisiich er a klaumerang er kid el kirel a Jehovah el sebechel mo oltaut a telbilel?

• Ngera el deurreng a kmal di kmedu el mo er ngii?

• Ngoeak a ngera el rolel e a omelatk el kirel a Renged a ngosukid el mo outekangel a ringel el decharm er ngii er chelechang?​—Rom 8:25