Te Ullengesenges er a Satan, E Ngera Mlo Rsel?

A Adam me a Eba a mlo diak el lolengesenges er a Dios me te mlad. Genesis 3:6, 23

A Eba a ullengesenges er a bersoech e mlo kolii sel rodech. E a uriul, e ngiluu el msa Adam me ngdirrek el killii.

A tekoi el lerirellii a dimlak el ungil e le ngmle klengit. Me a Dios a uldiketerir er tia el delengcheklir er a chelsel a Paradis.

Ngkmal mlo meringel a klengar er tir me a rengelekir. Te dirrek el mlo chuodel e mad. E dimlak el bo er a eanged e te bai mlo dibus el mo diak el ngar er a ngii di el ker.

A rulekoad a diak lolechesuar a ngii di el ngerang el di ua chebechab. Genesis 3:19

Kede rokui el mo mad e le kede uldiukes er a kngtil a Adam me a Eba. A rulekoad a diak el sebechir el omes me a lechub e te orrenges me a lechub e loruul a ngii di el ngerang.​—Olisechakl 9:5, 10.

Ngdimlak el moktek er a Jehovah el soal a rechad a lemad. Ngdi kmedung e ngmo olekiis er a rulekoad. Me a lsekum e te olengesenges er ngii, e te mo kiei el diak a ulebengelel.