Ngerang a Ungil Chais?

1. Ngera ungil chais el mla er a Dios?

A Dios a soal a rechad a loldeu a rengrir er a klengar el ngar tia el chutem. Ngmilebii tia el chutem me a rokui el tekoi el ngar er a chelsel e le ngbetik a rengul er a rechad. Ngdi kmedung e ngmo sumechokl a tekoi me bo el sebechir a rechad er a bek el beluu el mo ungil a klengar er tir er a ngar mederir el klebesei. Ngmo okngemed aike el uchul a ringel el mo er a rechad.​—Monguiu er a Jeremia 29:11.

Ngdiak a kabelment el mla torob a uldikel me a rakt me a kodall. Engdi ngngar er ngii a ungil chais. Ngdi kmedung e a Dios a mo ousbech er a kabelment er ngii el mo mtechei a rokui el kabelment er a klechad. Me tirke el mo chederedall er tia el kabelment a mo dmeu a rengrir er a budech e mo mesisiich a bedengir.​—Monguiu er a Isaia 25:8; 33:24; Daniel 2:44.

2. Ngera uchul me a ungil chais a klou a ultutelel er chelechang?

A di ta el rolel e ngmo diak a ringel a lsekum a Dios a okngemedeterir a remekngit el chad. (Sefania 2:3) Tiang ngmo duubech er oingerang? A Tekingel a Dios a ulemlaoch el kirel aike el tekoi el duubech er chelechang el sebechel el mo uchul a okngemedel a klechad. Me a mekngit el blekeradel er a beluulechad a ochotii el kmo ngdi kmedung e a Dios a mo sumechokl a rokui el tekoi.​—Monguiu er a 2 Timothy 3:1-5.

3. Ngera kired el meruul er ngii?

Ngkired el mesuub el kirel a Dios el oeak a Tekingel el Biblia, e le ngdi ua babilengel a betik a rengul el chedam el mei er kid. Ngouchais er kid er a rolel a bo ledeu a rengud er a klengar er chelechang me a diak a ulebengelel el klengar er tia el chutem er a ngar medad el taem. Nguaisei, engdi nglocha mo er ngii a rebebil el mo diak el sorir a omosuub er a Biblia. Engdi ngdiak el kirem el mechiteterir me leterebengau, e le Dios a tibir el kmo ngsebechel el mo ungil a klengar er kid er a ngar medad el klebesei.​—Monguiu er a Osisechakl 29:25; Ocholt 14:6, 7.