Molisechakl er Tir Me Lolemolem el Mesiou er a Jehovah

Ngsebeched el mesa el kmo, a rebeches el publisher el di uchei e te mosisechakl el mo blechoel el oldingel a obliil a mo ungil publisher er a ngar mederir el klebesei. (Osi 22:6; Fil 3:16) Aikaikid a bebil er a rolel e ngsebechem el ngosuir a chad el mosuub el obengkel el mo blak a rengul er a omesiungel:

• Momuchel el olisechakl er a chad er sel taem el lenguu a kengei el mo publisher. (km 8/15 1) Mngesuir el mo mesa klungel a ultutelel a loldingel er a chelsel a bek el sandei. (Fil 1:10) E bo lungil a tekingem sel mosaod er a territory er kid. (Fil 4:8) E molisiich er ngii el mo oureor el obengkel a odam el oungerachel er a group me a rekuk bebil er a publisher me lengai a klubelel er tir.​—Osi 1:5; km 10/12 6 par. 3

• A uriul er a lemetecholb, e molemolem el melisiich e molisechakl er ngii el kirel a omesiungel, el ileakl a lsekum e ngdirkak el bo el merek er a Bltikerreng er a Dios el babier.​—km 12/13 7

• Sel moureor el obengkel a beches el publisher, e bo el beot a uchelel a cheldechedecham. E a uriul er a omrengesii a cheldechedechal, e mchetengii. E mouchais er ngii er aike el tekoi el sebechel el oureor el kirel.​—km 5/10 6-7