58 EL SUOBEL
Molemolem Loba Blakerreng el Mora Jehovah
A remera el Kristiano a mla remuul a rengrir el diak lekengei a ngii di el ngerang me a lechub e ngngii di el chad me leterebengii omengull er tir el mora Jehovah. Kau, me nglocha kmal uaisei a uldesuem. A Jehovah mengreos er a blakerreng er kau. (Monguiu er a 1 Kronika 28:9.) Ngera el blekeradel a sebechel melasem er a blakerreng er kau el mo er ngii, e ngera sebechel ngosukau?
1. Ngmekera rebebil e sebechir el melasem er a blakerreng er kid el mora Jehovah?
A rebebil er a rechad a mo melasem el merrob er kid el mesiou er a Jehovah. Ngtecha mo meruul er tia el kmal mekngit el tekoi? A rebebil el mla choitii a klemerang a melekoi a blulak el kirel a cheldebechelel a Jehovah le ngsorir el melemall er a klaumerang er kid. Tirka rumtok a mera el osisechakl. Ngdirrek el rebebil el mengeteklel a klechelid a omerk a blulak el kired el meruul er tirke el diak el kerekikl me lechitii a klemerang. Ngkdekudel el tekoi a dolasem el mengedecheduch er a rumtok, donguiu a babilengir me a lechub e ng blog er tir, mora website er tir, me a lechub e domes a video er tir. A Jesus a millekoi el kirir tirke el melasem el mengitechut er kid el mo diak dosiou er a Jehovah loba blakerreng el kmo: “Bo bechititerir! Te meiko e leko te mengetakl er a re meiko; ma tal meiko a longetakl er a tar a meiko, e te dul mo ruebet er a delebedeb.”—Mateus 15:14.
2. Ngera el omelilt a mo melasem er a blakerreng er kid el mora Jehovah?
Bltkil a rengud el mora Jehovah uchul me kede mengeroid er kid er a ngii di el ngerang el chelsechusem er a klsuul klechelid. A urered me a cheldebechel el dechad er ngii me a lechub e ngii di el tekoi el doruul a diak el kirel el ngar ngii a rolel el mora klsuul klechelid. Jehovah mengelechel er kid el kmo: “Kemiul chad er ngak, mtobed ra chelsel [a Kloul Babilon].”—Ocholt 18:2, 4, BT.
BOM DMOLECH EL MERRITER
Msuubii a rolel e ngdiak bo becherei a ngii di el chad me lechoitechetur a blakerreng er kau el mora Jehovah. Mdirrek el mesa rolel e ngsebechem lochotii a blakerreng er kau loeak sel mtobed er a Kloul Babilon.
3. Mongkar er kemiu er a reklsuul el sensei
Ngkired el mekerang sel derenges a mekngit el tekoi el kirel a cheldebechelel a Jehovah? Monguiu er a Osisechakl 14:15 e mosaod er tia el ker:
Ngera uchul me kede kerekikl me ngdiak bo doumerang a rokui el tekoi el derenges?
Monguiu er a 2 Johanes 9-11 e mosaod aika el ker:
Ngkirel mo uangerang a omerelled el bedul a rumtok a mera el osisechakl?
Mo lmuut er a lak dobengterir a rumtok a mera el osisechakl, engdi ngmekera sebeched el ngmai a osisecheklir?
Omomdasu e ngmo uangera uldesuel a Jehovah a lsekum kede orrenges a mekngit el tekoi el kirel me a lechub e ngkirel a cheldebechelel?
4. Molemolem loba blakerreng el mora Dios sel lerebet er a klengit a odam
A lsekum kede mo medengei el kmo a chad er a ongdibel a mla rullii a oberaod el klengit, e ngera kired el meruul er ngii? Molatk er a omellach el mengai er a Llechul a Dios el mora rechad er a Israel er a irechar. Monguiu er a Levitikus 5:1.
Ngua losaod a bades, a lsekum kede mo medengei el kmo ngngar ngii a chad er a ongdibel el mla rullii a oberaod el klengit, e ngkired louchais er a remechuodel aike el dodengei. Engdi a uchei er a doruul er tiang e ngungil dolisiich er ngike el rirellii a oberaod el klengit me bo longedecheduch er a remechuodel e louchais a kngtil. A lsekum ngdiak lerellii tiang, e a blakerreng er kid el mora Jehovah uchul me kede mo ouchais er a remechuodel aike el dodengei. Ngmekera tiang e ochotii a diak lemengodech el bltikerreng el mora . . .
Jehovah el Dios?
ngike el mlora klengit?
rechedal ongdibel?
A lsekum a kldemem er a klaumerang ousbech a ngeso, e mngesuir!
5. Molemolem el ultobed er a chelsel a Kloul Babilon
Monguiu er a Lukas 4:8 me a Ocholt 18:4, 5, BT e mosaod aika el ker:
A ngklek ngdirk llechukl er a klsuul klechelid?
Ngak, ak chedal a cheldebechel el ngar ngii a rolel el mora kuk ta er a klechelid?
A urerek ngngar ngii a le support er ngii er a klsuul klechelid?
Ngar ngii a tekoi er a klengar er ngak el kirek el meleakl er ngak er a klsuul klechelid?
A lsekum e ngngar ngii a nger er ngak el choi er aika el ker, e ngera el omelodech a kirek el meruul?
Ngar er a chelsel a ngii di el blekeradel, e moruul omelilt el ngii a mo uchul e ngklikiid a ukltkem e ochotii a blakerreng er kau el mora Jehovah.
Ke mo mekerang a lsekum te olengit er kau el molengeseu er a cheldebechel er a klechelid lolengeseu er a remechebuul?
A REBEBIL A KMO: “Ngkirek el mo medengei aike el lolekoi a rumtok a mera el osisechakl el kirir a Resioning er a Jehovah me bo lsebechek el mesebechakl er a klemerang.”
Tiang ngolechotel a llomeserreng? Ngera uchul me ke melekoi el uaisei?
SUMMARY
A bo dolemolem loba blakerreng el mora Jehovah, e ngkired el mengeroid er kid er tirke el melasem el mengeuid er kid.
Review
Ngera uchul me ngdiak el kired el lorrenges a uldesuir a rumtok a mera el osisechakl?
A lsekum kede mo medengei el kmo a odam a mla rullii oberaod el klengit, e ngera kired el meruul er ngii?
Ngmekera dolengesenges er a omengelechel el mo choridid er a klsuul klechelid?
A LSEBECHEM E MOMES
Msuubii el kmo ngungil mokerang sel lolekoi a blulak a rechad el kirir a Resioning er a Jehovah.
“Kau, Kungil Medengei a Rokui el Tekoi?” (A Ongkerongel, August 2018)
Ngmekera sebechem el mo medengei el kmo a cheldebechel me a lechub a tekoi loruul a rechad a support er a Kloul Babilon?
Ngera te mla remuul a rebebil lomtok el melasem el mengitechut er a klaumerang er kid?
Ngar er a cheldecheduch el “I Had Been Looking for God Since Childhood,” e monguiu el kirel a prist er a Shinto el chirridii er a klsuul klechelid.