Rolel e a Klsuul Klechelid a Diak Lemelemalt Lomtechei er a Dios

A lsekum a Dios a bltikerreng, e ngera uchul me aika el betok el klechelid el melekoi el kmo te omtechei er ngii a mla remuul a kmal betok el mekngit? Aikang a klsuul klechelid. Te diak lemelemalt lomtechei er a Dios. Ngoeak a ngera el rolel? E ngera uldesuel a Dios el kirir? Ngerang ngmo meruul a Dios el kirel?

1. Ngmekera klsuul klechelid e diak lemelemalt lomtechei er a Dios er a rolel osisecheklir?

A klsuul klechelid a mla “chemoit a klemerang el kirel a Dios e mo oltirakl a klsuul el tekoi.” (Rom 1:25) El ua tiang, oumesingd el klechelid a diak lolisechakl er a ngklel a Dios el mora rultirakl er tir. Engdi Biblia kmo ngkired lousbech er a ngklel a Dios. (Rom 10:13, 14) E a rebebil mengeteklel a klechelid a kmo ngmoktek er a Dios sel leduubech a mekngit. Engdi tia blulak. A Dios a kmal diak el sebechel rullii a mekngit. (Monguiu er a Jakobus 1:13.) Ngklengiterreng e le chouaika el blulak a uchul me a rechad a mla mo diak el sorir el mora Dios.

2. Ngmekera klsuul klechelid e diak lemelemalt lomtechei er a Dios el ngar omerellir?

Omerellel a klsuul klechelid el mora rechad a kmal ngodech er a omerellel a Jehovah. A Biblia kmo, a “kngtil a chachisois el mo ua kldidiul a eanged.” (Ocholt 18:5) Chelsel aika el betok el dart el rak, e aika el klechelid a mla melasem el mengitikaik aike el loruul a kabelment, oldubech a mekemad, e uchul e dirrek el kilengei a okodellir a rediak el mochur a ildisir el chad. A rebebil mengeteklel a klechelid a mengerechir a betok el udoud er a rultirakl er tir el mesiou er a merau el rolel a klengar er tir. Aika el omerellir ochotii el kmo te diak lodengelii a Dios, me ngdiak a llemeltir lomtechei er ngii.​—Monguiu er a 1 Johanes 4:8.

3. Ngua ngera uldesuel a Dios el kirel a klsuul klechelid?

A lsekum e ngkmal kesib a rengum er aike el omerellel a klsuul klechelid, e a omomdasu e ngua ngera uldesuel a Jehovah? Ngkmal betik a rengul er a rechad, engdi ngika kmal kesib a rengul er tirka el mengeteklel a klechelid el diak lemelemalt lomtechei er ngii e mekngit omerellir el mora rultirakl er tir. Ngtibir el kmo ngmo okngemedii a klsuul klechelid el “[diak el] lluut el mo moues.” (Ocholt 18:21) Ngkmal di kmedung e a Dios a mo okngemed a rokui el klsuul klechelid.​—Ocholt 18:8.

BOM DMOLECH EL MERRITER

4. A Dios a diak lekengei a rokui el klechelid

A rebetok oumerang el kmo a klechelid a kakerous el rael el ngoikid el mora Dios. Engdi ngmera el uaisei? Monguiu er a Mateus 7:13, 14 e mosaod er tia el ker:

• Ngera ngmelekoi a Biblia el kirel a rael el mora klengar?

Momes er a VIDEO e mosaod er tia el ker.

VIDEO: A Dios, Ngkongei a Rokui el Rolel a Omengull?​—Excerpt (3:22)

• A Biblia ngmelekoi el kmo rokui el klechelid odeuir a rengul a Dios?

5. Klsuul klechelid a diak lolecholt er a bltikerreng er a Dios

Klechelid a diak lemelemalt el omtechei er a Dios el ngar er a betok el rolel. A ta er a kot el klou el rolel a osisebir er a mekemad. Momes er a VIDEO el mo mesa ta er a olechotel. E a uriul e mosaod aika el ker.

VIDEO: The Churches’ Role in World War II (2:22)

• Ngera te mirruul er ngii a betok el klechelid er a taem er a Ongeru el Mekemad?

• Ngera uldesuem el kirel tiang?

Monguiu er a Johanes 13:34, 35 me a 17:16. E mosaod aika el ker:

• Omomdasu e ngua ngera uldesuel a Jehovah sel lomes a klechelid el teloi a mekemad?

• A klsuul klechelid a uchul a betok el mekngit el tekoi. Ngoeak a ngera el rolel e ke mesa el kmo aika el klechelid a diak lolecholt er a bltikerreng er a Dios?

6. A Dios a soal ngosuterir a rechad me letobed er a klsuul klechelid

Monguiu er a Ocholt 18:4a e mosaod er tia el ker:

• Ngmo uangerang a uldesuem er chelecha el bla bo modengei el kmo a Dios a soal lolsobel er a rechad el mla mecheblad er a klsuul klechelid?

7. Molemolem el mesuub el kirel a di ta el mera el Dios

Aike el mekngit loruul a klsuul klechelid ngmo ngodechii a uldesuem el kirel a Dios? Molatk er a ngalek el sechal el diak lorrenges a tekingel a demal, e tuobed er a delengcheklir, e mo meruul a betok el delengerenger. Ngika el chedam a kmal diak lekengei aika el omerellel a ngelekel. Ngera uchul me ngdiak lemelemalt el tekoi a doltelechakl er ngika el chedam el kirel a klengar er a ngelekel?

• Ngmelemalt el tekoi a doltelechakl er a Jehovah el kirel a omerellel a klsuul klechelid e de stob el mesuub el kirel?

SUMMARY

Ngoeak a klsuul osisecheklir aika el klsuul klechelid me a mekngit lomerellir e te diak lemelemalt lomtechei er a Dios. A Dios a mo okngemed a rokui el klsuul klechelid.

Review

• Ngera uldesuem el kirel aike lolisechakl a klsuul klechelid me a dirrek el omerellir?

• Ngua ngera uldesuel a Jehovah el kirel a klsuul klechelid?

• A Dios, ngera ngmo meruul el mora aika el klsuul klechelid?

A LSEBECHEM E MOMES

Msuub a eru el rolel e a oumesingd el klechelid a diak lodeuir a rengul a Dios.

“Are All Religions the Same? Do They All Lead to God?” (Suobel el ngar er a Internet)

Ngera uchul me a Jehovah a soal a deteloi er a rebebil e dongull er ngii?

“Is It Necessary to Belong to an Organized Religion?” (Suobel el ngar er a Internet)

Monguiu el kirel a ta el prist el klechelid er ngii a kmal di milengesang er ngii. Engdi ngdimlak lebecherei tiang me bo luchul e lak bo lodengelii a klemerang el kirel a Dios.

“Why a Priest Left His Church” (Awake!, February 2015)

Aika el klechelid a mla mo betok el dart el rak el lolekoi a blulak el kirel a Dios, rullii el ua lemekngit a blekerdelel e cheroid er kid. Msuubii a klemerang el kirel a edei er aika el blulak.

“Blulak el Tekoi el Uchul me a Rechad a Mo Cheroid er a Dios” (A Ongkerongel, November 1, 2013)