Ngimbo
Gudi mutuameji wa miziki; idi naye gushigiwa mu Sheminite.* Lungimbo lua Davidi.
12 Oo Yehowa, nguhuluise, handaga gushigo luko nu muthu udi ya gujinginyina;
athu a gushila mutshima ashigo luko.
2 Athu adi gudimbila mambo;
makano awo azala pha nu mulebo, adi muhuiga athu.*
3 Yehowa mbawubatula ivungu ya athu agasue ana zuela nu mulebo
nu ludimi lua muthu wagasue wana gudisunzula.
4 Athu adi muzuela egi: “Mbimbi jietu mbajitubingisa.
Tuajiya guzuela ndaga yagasue tuatshigina;
gushigo nu muthu wajiya gukhala fumu wetu.”
5 Yehowa udi muzuela egi: “Enya lamba adi musagesewa,
phutu jidi mumba isugu,
hene mbanguzuga ha guakuatesa.
Mbanguahuluisa ha mago a athu adi guamonesa lamba.”
6 Mbimbi jia Yehowa jidi jiaphelegeta;
jidi gifua utadi wa siliva wafudiwa muabonga mu fulu ya mavu,* waphelegetesewa mbala 7.
7 Oo Yehowa, mbawaabamba;
mbawubamba muthu wagasue mukatshi diawo mu gindongo gigi mayilago.
8 Athu abola adi muwenda muagasue, gushigo nu muthu wa guakanga njila
handaga ana a athu adi musunzula makalegelo abola.