Ngimbo
Gudi mutuameji wa miziki. Lungimbo lua Davidi.
13 Oo Yehowa, uu nu tangua ditshi mbawulandula gungubuita mutshima? Mayilago ba?
Uu nu tangua ditshi mbawulandula gungusuegela phala yaye?
2 Tangua ditshi mbangubemba gudisagesa?
Ngana khala nu gikenene mu mutshima lusugu nu lusugu.
Uu nu tangua ditshi mbalagaji wami mbawulandula gungubinga?
3 Oo Yehowa Nzambi wami, ngutale, nguhane mvutu.
Nguhane luko ngolo* hagula ngufuigo,
4 hagula mbalagaji wami gazuedigo egi: “Ngamubingi!”
Ubembigo egi mbalagaji jiami jisuanguluge nu gubua guami.
5 Uvi ame, ngana gugushila mutshima mukunda nu guzumba guaye gua giamatshidia;
mutshima wami mbawusuanguluga handaga wana gunguhuluisa.
6 Mbanguyimbila Yehowa, handaga wangushimbiga muavula sha.*