Ngimbo
Lungimbo lua Davidi.
15 Oo Yehowa, nanyi wajiya gukhala ngenji* mu tenta yaye?
Nanyi wajiya gukhala gu mulundu waye wa gijila?
2 Idi muthu munu wana gudituameza mu luholo luabonga,*
munu wana kalagala ndaga jiabonga
nu wana zuela giamatshidia mu mutshima wenji.
3 Gana mba ndo mambo,*
gana tshitshila ndo athu ako ndaga jiabola,
gana muanga nji ndo mene jia mambo mukunda nu mafuta enji.*
4 Muene wana tuna athu abola,
uvi wana nemesa athu ana vila Yehowa woma.
Wana tagenesa ndaga yalayele muene,* ngatshima yajiya gumubatela malamba.
5 Gana sombago athu ako makuta hagula amuvutuile nu ako holu,
gana tshigina ndo gabatshi’a kano* ha gufuisa muthu gatshitshilego gubola milonga.
Muthu udi mukalagala ndaga eji, mbagashigo munyigishiwa* nga hazonda.