Ngimbo

 2 Mafumu a ha mavu azuga,

atuameji akoma adibungisa hamoshi*

ha guluisa Yehowa nu muthu wambile muene maji mu nyuma.*

 3 Adi muzuela egi: “Tubatulenu malenge awo,

tujitululenu shinga atujitshiga!”

 4 Muthu udi ha nguasa ya ufumu mu dilu mbawulela;

Yehowa mbawaalela tola.

Ene mbaavua woma mukunda nu khabu jienji jiakola,

 6 mbawuzuela egi: “Ngahagele fumu ngatombele

gu Siona, mulundu wami wa gijila.”

 7 Mbangulongesa ndaga jiazuelele Yehowa;

muene wanguwambelele egi: “Aye udi mun’ami;

mangino ame ngabua sh’aye.

 8 Ngutoge, mbanguguhana ifutshi gifua khapho diaye,

mavu agasue mbaabua aye.

 9 Mbawumuanga ifutshi nu muhango wa utadi,

mbawuyibula ibala-ibala gifua nzungu ya wuma.”

10 Henyaha enue mafumu, monesenu gutema;

enue manzuji a ha mavu, tshiginenu lubelo.

11 Vilenu Yehowa woma tangua mudi gumukombelela,

suangulugenu, digitenu nji gutuama dienji.

Khabu jienji mbajizuga muphushi,

ngenyi mbamufua.