Ngimbo
Lugimbo luayimbile Davidi hakhalele muene mulenga mun’enji Abasaloma.
3 Oo Yehowa, mukunda natshi mbalagaji jiami jiadivudisa?
Mukunda natshi athu avula adi gunguluisa?
2 Athu avula adi muzuela mukunda nu ame* egi:
“Nzambi mbagashigo gumuhuluisa.” (Sela)*
3 Uvi aye, Oo Yehowa, udi tshibu yana gungubamba gu khanda jiagasue,
udi lutumbu luami, aye wana gunguhana gikhesa.
4 Mbangutamega Yehowa mu dijui diakola,
muene mbawunguhana mvutu gu mulundu wenji wa gijila. (Sela)
5 Mbangubanda, mbanguya gu tulo;
mbanguzuga, mbangukhala mu ubambi,
handaga Yehowa yowu mulandula gungukuatesa.
6 Ngushigo muvua woma wa inunu ya athu
adi gungujieta khanda jiagasue ha gunguluisa.
7 Oo Yehowa, zuga! Nguhuluise, Oo Nzambi wami!
Aye mbawuwasa mbalagaji jiami jiagasue gu mbanga;
mbawubogola mazo a athu abola.
8 Yehowa, aye udi muhuluishi.
Wana shimbiga athu aye. (Sela)