Ngimbo

5 Oo Yehowa, tegelela mbimbi jiami;

vua luholo ngudi mumba isugu.

 2 Vua luholo ngudi mudila ha gutoga ukuateshi,

Oo Fumu wami, Nzambi wami, handaga aye ngudi mukombelela.

 3 Oo Yehowa, mbawuvua dijui diami mu gimenegena;

mbanguguwambela ndaga jidi gungusagesa mu gimenegena, mbangunengenena nu mutshima zagu-zagu.

 4 Aye wana suanguluga ndo nu ndaga jiabola;

gushigo nga nu muthu wabola wajiya gukhala nu aye.

Aye wana zumba ndo athu agasue ana tshita ndaga jiabola;

 6 mbawushiya athu adi mumba mambo.

 7 Uvi ame, mbangungina mu inzo yaye handaga guzumba guaye gua giamatshidia gudi guavula;

mbangufugama gutuama dia tempelo yaye ya gijila* ha gugunemesa.

 8 Oo Yehowa, ngutuameze mu njila yabonga handaga mbalagaji jiami jiangujieta;

katula ibunji yagasue mu njila yaye mukunda nu ame.

 9 Ngajiyilego gusha mutshima gu ndaga adi muzuela;

mitshima yawo idi yazala nu ndaga jiabola;

miminyo yawo idi gifua malumba a uhululu;

mbimbi jiawo jiazala pha nu mulebo.

10 Uvi Nzambi mbaawafisa milonga;

ene mbaabua mu wina didi muhaga ene.

Nzambi wami, akaye gutuama diaye handaga gubola guawo gudi guavula,

handaga ene agulumbugidile.

11 Uvi athu agasue ana lengela gudi aye, mbaakhala nu gusuanguluga;

ene mbaakhala mumba miyelele ya gusuanguluga.

Mbawubembigo egi athu abola asuene gudi ene,

athu agasue anyi ana zumba jina diaye, mbaakhala nu gusuanguluga mukunda nu aye.

12 Oo Yehowa, mbawushimbiga athu agasue abonga;

mbawaavila khenda, mbawaabamba gifua tshibu yakoma.