Ngimbo
Gudi mutuameji wa miziki. Lungimbo lua Davidi; ludi naye guyimbiwa mu Shiminite* nu ima ya gushigila miziki yana khala nu shinga.
6 Oo Yehowa, ungubalelago tangua udi nu khabu,
unguhanyigo nji lubelo ha udi nu khabu.
2 Oo Yehowa, nguvile khenda handaga ngudi ya guleba.
Oo Yehowa, ngusage handaga woma wangudigitshisa muila.*
3 Ngudi diago nu gikenene giavula,
Oo Yehowa, nguwambele, lamba diami mbadihua tangua ditshi?
4 Oo Yehowa, iza unguhuluise;*
nguhuluise mukunda nu guzumba guaye gua giamatshidia.
5 Gula muthu wafua, gajiyilego gutanga jina diaye;*
gula muthu udi mu Malumba,* wajiya gugutumbuisa ba?
6 Ngahuila gami gumba isugu;
phipha yagasue ngatebesa gitanda nu masoji;
ngadila muavula, masoji azala ha gitanda gifua meya.
7 Meso ami ahuila nu gudila;
gu meso guangubuita* mukunda nu athu agasue adi gungusagesa.
8 Enue athu mudi mukalagala ndaga jiabola, katugenu gutuama diami.
Handaga Yehowa mbawuvua gudila guami.
9 Yehowa mbawuvua luholo ngudi gumububila ha gunguvila khenda;
Yehowa mbawuvua gisambu giami.
10 Mbalagaji jiami jiagasue mbajivua musonyi, mbajibua tunga-tunga;
mbajivutuga mbala imoshi, musonyi mbawujikuata.