Ngimbo

 2 Gula ndo mbaangubatula itshinyi-itshinyi gifua muana tshita khoshi,

mbaaya nu ame, mbagukhadigo nu muthu wagunguhuluisa.

 3 Oo Yehowa Nzambi wami, gula ngatshitshi gubola,

gula ngakalagala ndaga mu luholo luabola,

 4 gula ngakalagala ndaga jiabola gudi muthu wangukalegele gubonga,

nga ndo gula ngatambula ima ya mbalagaji wami uvi muene gatshitshile ndo gubola,*

 5 bemba egi mbalagaji wami anguhate, angukuate;

angubuise mu mavu, angudiate;

lutumbu luami lutote mu mavu. (Sela)

 6 Oo Yehowa, zuga nu khabu jiaye,

uluise athu adi gunguvila khabu nu adi nu umbalagaji nu ame;

zuga ungukuatese, utoge hagula angukalegele ndaga mu luholo luabonga.

 7 Ifutshi igujiete;

ngenyi aye mbawuyiluisa mu dilu fundo wana khala.

Oo Yehowa, ngusophese gifua mudi makalegelo ami abonga,

udi mujiya egi ngushigo nu gubola.

Uvi hana muthu wabonga ngolo,

handaga aye udi Nzambi wabonga wana tala mitshima ya athu nu matangi awo a mukatshi.

11 Nzambi udi nzuji watagana,

muene wana sophesa athu abola lusugu nu lusugu.

12 Gula muthu gabalumuinego mutshima, Nzambi wana viga phogo yenji ya khusa;

wana nana uta wenji wa manana ha gusonona mufula.

13 Wana londa iluilo yenji yabala;*

wana londa nji mifula yenji ya tshuya.

14 Talenu, muthu wamita gubola gifua luholo ana mita vumo dia mona;

umbundudi udi mu vumo dienji, muene mbawuvuala mambo.

15 Muthu muene wahaga wina dialeha diago,

uvi muene hakhenji wabua mu wina diene.

16 Gubola gudi mutshita muene, mbagumuvutugila ha muto wenji;

umbundudi wenji mbawumubuila ha muto wenji.

17 Mbangutumbuisa Yehowa handaga wana tshita ndaga mu luholo luabonga;

mbanguyimba ngimbo* ha gutumbuisa jina dia Yehowa Nzambi wa Gudinyinyiga.