Ngimbo
Gudi mutuameji wa miziki; lungimbo lulu ludi naye guyimbiwa nu ima ya gushigila miziki yana khala nu shinga. Lungimbo lua Davidi.
4 Oo Nzambi wami, aye wana tshita ndaga jiabonga, nguhane mvutu gula ngagukombelela.
Ngudijige njila ya gulengela tangua ngudi mu lamba.
Nguvile khenda, vua gisambu giami.
2 Enue ana a athu, uu nu tangua ditshi mbamulandula gunguhana musonyi?
Matangua guvula gutshi mbamulandula guzumba ndaga jia githuhu nu gukamba gumba mambo? (Sela)
3 Jiyenu egi Yehowa mbawukalagala ndaga jiabonga mukunda nu muthu udi ya gujinginyina gudi muene;*
Yehowa mbawuvua tangua mbangumutamega.
4 Vuenu khabu, uvi mukalagalago gubola.
Zuelenu mu mitshima yenu ha mudi ha itanda, uvi khalenu tedie. (Sela)
5 Hanenu Nzambi milambu nu mutshima wabonga,
hagelenu Yehowa mutshima.
6 Athu avula adi muzuela egi: “Nanyi mbawutudijiga ndaga jiabonga?”
Oo Yehowa, tumonesele gisemo.
7 Wazalesa gusuanguluga mu mutshima wami
gubalega gua athu adi mukatula mbuto jiavula mu ilanga nu matombe ahe-ahe.
8 Mbangubanda, mbanguya gu tulo mu guhuima,
handaga phamba aye, Oo Yehowa, wana gungukuatesa ha gukhala mu ubambi.