Mbimbi ya Nzambi yana gugukuatesa mu monyo waye wa lusugu nu lusugu ba?

Gutanga Biblia masugu agasue guajiya gutukuatesa ha gukhala “agujigiwa” nu “agudindamana mu gutshigina.” (Kol. 2:6, 7) Uvi, hagula egi mbimbi ya Yehowa itukuatese mu monyo wetu, tudi naye gukalegela malongo a Biblia. (Heb. 4:12; Yak. 1:22-25) Yoshua 1:8 idi guzuelela ndaga thathu jia ndando jia gukalagala mu utangi wetu: (1) Tanga mbimbi ya Nzambi “muanya nu phipha.” (2) itange mu ‘mbimbi ya hashi,’ yakotelesa guyitanga mu luholo lua gutangiza nu gufezegesa milonga udi mutanga. (3) Kalegela nu mutshima wagasue “ndaga jiagasue jidi jiagufunda muene.” Gila tuakalegela malongo ene mba tukhala nu “luendu”, nu “gutema” mu monyo wetu wa lusugu nu lusugu.