Mihu Mu Galuanda

◼ Tangua Ditshi Tuajiya Gukoka Gulonguga gua Biblia nu Muthu?

Gula muthu wana gulonguga nenji Biblia gashigo luko gukula mu nyuma, wajiya gukoka gulonguga guene nu gutema guagasue. (Mat. 10:11) Dihule gamba: Gila muadivua nenji tangua dia gulonguga, wana gutaginyisa laji dienji ba? Gu tuama dia gulonguga, wana gulondega mukanda wenji ba? Masugu ako, wana guza gudibungisa mu hungu ba? Wana guwambela athu ako ndaga wana gumulongesa ba? Wana gutaganyisa khadilo dienji nu mikhuala ya Bibia ba? Jiya egi athu agasue anako gukula mu nyuma luholo lumoshi ndo, tadila guvula gua ivo yenji nu ndaga jiko jia lujingu luenji. Gila tuakoka gulonguga nu muthu, tudi naye gumuwambela egi masugu adi guza gila udi luko nu funu ya gulonguga, tuajiya guyikalagala.​—1 Tim. 2:4.