Suangulugenu Mukunda nu Felela Dienu

Felela didi gifua longo. (Heb 6:19) Diana gutukuatesa hagula tubuigo mu nyuma tangua tudi mutagana nu gikudi giakola. (1Tim 1:18, 19) Gikudi giene giajiya gukhala ndaga jiabola jiana gutubuila mu lujingu, gutotesa ima yituakhalele nayo, misongo yakola yanago guhua muphushi, gufua gua muthu tuakhalele muzumba muavula nga ndaga yagasue yajiya guphaga gujinginyina guetu.

Felela nu gutshigina guana gutukuatesa ha gutema gujiya luholo Yehowa mbawutagenesa laji dienji. (2Kol 4:16-18; Heb 11:13, 26, 27) Hene, ikhale tudi nu felela diaguya mu dilu nga dia gujinga ha mavu, tudi naye gutangiza tangua diagasue ndaga jialayile Nzambi jidi mu Mbimbi yenji. Ngenyi, gula malamba atubuila, mbatubamba gusuanguluga guetu.​—1Phet 1:6, 7.

TALENU VIDEO IDI NU MUTO WA LUMENE EGI RÉJOUISSEZ-VOUS DANS L’ESPÉRANCE, GUNGIMA, HANENU MVUTU GU MIHU EYI:

• Mukunda natshi Moise udi gifezegeselo giabonga gia gulandula?

• Ginemo gitshi mafumu a fami adi nagio?

• Ndaga jitshi muajiya gutalela mu gukombelela guenu gua mu fami?

• Luholo lutshi felela diajiya gugukuatesa ha gukolesela mu malamba?

• Itshi udi gudifelela mu masugu adi muza?