Mvuaji, Longesenu An’enu Ndaga adi Najio Funu

Tudi mujinga mu mavu anyi athu ana gututuma ha gutshigina egi ndaga jiabonga jidi jiabola nu ndaga jiabola jidi jiabonga. (Yesh 5:20) Ndaga ya gikenene edi egi, athu ako ana kalagala ndaga jiana tuna Yehowa gifua gubungisa muila mala nu mala, akhetu nu akhetu. Mafuta a gu gukhalasa nga athu ako, ajiya gutuma an’etu ha gulandula makalegelo awo abola. Luholo lutshi wajiya gulongesa anaye ha gubinga mu ndaga jia luholo elu?

Longesa anaye mikhuala ya Yehowa. (Levi 18:3) Alongese ndaga Biblia yana zuelela smu ndaga yatadila gubungisa muila. Ndaga udi naye guawambela jidi naye gudivua nu ivo yawo nu ndunge jiawo mu luholo ana kotelesa ndaga. (Mikh 6:7) Dihule egi: ‘Ngana longesa an’ami ndaga jiatadila gumonesa guzumba gua giamatshidia, gusudiga milele mu luholo luatagana, nu luholo adi naye gunemesa mikhuala ya Yehowa ngatshima athu ako ashigo guaamona? An’ami ana jiya ndaga adi naye gutshita gula muthu mumoshi walola guatalesa pornografi nga waatoga ha gutshita ndaga imoshi yabola gu meso a Yehowa ba?’ Gualongesa ndaga yene gutuama guajiya guakuatesa ha gutuna gukalagala ndaga yabola. (Ish 27:12; Mulo 7:12) Gula udi mulongesa an’aye, udi mumonesa egi wana zumba kado ga ndando ga guhanele Yehowa.—Ngi 127:3.

TALENU VIDEO TUNGA INZO INYI MBAYIKHALA YAKOLA—BAMBA AN’AYE MU ‘NDAGA JIABOLA’ JIAJIYA GUAABUILA. GUNGIMA HULA MIHU EYI:

• 

  Mukunda natshi yakhala lamba gudi mvuaji jiko ha gulongesa anʼawo ndaga yatadila gubungisa muila?

• 

  Mukunda natshi mvuaji jidi naye guhana an’awo formasio mu ‘malongo nu mu disipline dia Yehowa’?—Ef 6:4

• 

  Ima tshi Ulondegi wa Yehowa wana hana mvuaji ha gulongesa an’awo ndaga yatadila gubungisa muila?—w19.05 diyiji 12, galuanda

• Mukunda natshi mvuaji jidi naye guta maga nu anʼawo matangua avula gutuama egi mulonga umoshi waabuile?