YIKADIKILE MU MUDIMO WA GULONGESA | HETA GUSUANGULUGA GUAVULA MU MUDIMO WA GULONGESA
Kuatesa Athu Wana Longesa Biblia ha Gujiya Luholo lua Gulonguga Hakhawo
Hagula athu wana longesa Biblia ajiye Yehowa nu akule mu nyuma, adi naye gulonguga ndaga jiavula gubalega jinyi wana gualongesa. (Mat 5:3; Heb 5:12–6:2) Adi naye nji gujiya luholo lua gulonguga hakhawo.
Tangua wasendesa gulonguga Biblia nu athu, awambele luholo lua gudilondega, akolese nji ha gulandula gutshita ngenyi. (mwb18.03 diyiji 6) Awambele ha gukhala musamba gutuama dia gudilondega guawo. Akuatesa ha gujiya luholo lua guheta nu gukalegela ikadigilo ya gulongugila idi mu JW Library nu mu jw.org. Awambele luholo ajiya guheta ndaga jihe-jihe jidi mu jw.org nu mu JW Télédiffusion. Khala gualongesa mage-mage luholo lua gutanga Biblia hakhawo lusugu nu lusugu, ha gudilondega mukunda nu gudibungisa nu ha gukamba mvutu gu mihu yawo. Awambele ha gukhala nu khadilo dia gutangigiza ndaga ana longuga.
TALENU VIDEO KUATESA ATHU WANA LONGESA BIBLIA HA GUJIYA LUHOLO LUA GULONGUGA HAKHAWO. GUNGIMA HANENU MVUTU GU MIHU EYI:
Luholo lutshi phangi Neeta wakuatesa Jade ha gujiya egi gulonguga gushigo mukotelesa phamba gujiya mvutu jia mihu?
Itshi yakuatesa Jade ha gukotelesa egi malongo a Yehowa ana tunyisa gukalagala uthambi adi atagana?
Kuatesa athu wana longesa Biblia ha gujiya luholo lua gulonguga hakhawo nu ha gukalegela ndaga ana longuga
Ndaga itshi Jade wakotelesa mukunda nu gutangigiza?