Kamba Ndaga jia Ndando jia mu Nyuma Wajiya Gukalegela

Tangua tudi mutanga Biblia, tudi naye nji gutshita barecherche ha gukamba ndaga jia ndando jia mu nyuma. Luholo lutshi tuajiya guyitshita?

Kamba ndaga jiko jiazonda-zonda jiatadila lumene lumoshi lua Biblia. Ha gufezegesa, kamba gujiya muthu wasonegele lumene luene, walusonegele gudi nanyi nu tangua diasonegele muene ndaga yene. Ndaga jitshi jiabuile gutuama nu gungima dia tangua diasonegele muene lumene luene?

Tangiza malongo wajiya guzula tangua udi mutshita barecherche, dihule nji mihu eyi: ‘Luholo lutshi athu adi muzuelewa mu lumene luene adivuile? Akhalele nu makalegelo a luholo lutshi? Luholo lutshi ngajiya gulandula makalegelo ene nga guatuna?’

Kalegela ndaga jiene walonguga mu mudimo wa gulongesa nga mu ndaga jiko. Gula udi mutshita ndaga jiene, mbawumonesa diago egi udi nu ndunge jia Nzambi gifua luholo Biblia idi muzuela egi: ‘Muthu wagasue udi nu ndunge mbawukalegela ndaga eji.’​—Ngi. 107:43.

• Longo: Tangigiza ndaga mualonguga mu gudibungisa gua mukatshi dia phoso mu gitshinyi Umonyi udi mu Mbimbi ya Nzambi ha gujiya luholo wajiya gujikalegela. Gitshinyi giene giana khala nu mihu tuajiya gudihula, malongo a ndando tuajiya gutangigiza nu ifuanesa tuajiya gutadila.