Longi dia 14

Mafuta A Nzambi Anutuna Ndaga Jiabola

Satana wanumega athu hagukita ima yabola. Muthu umutshigina gukhala futa dia Nzambi udi naye gumenga ndaga jianumenga Yehowa. (Ngimbo 97:10) Tala ima yanutuna mafuta a Nzambi:

Masumu a gubungisa muila. “Uwendjigo uthambi.” (Guzoga 20:14) Gubungisa muila gutuama dia mahata idi nji muabola.​—1 Korinto 6:18.

Gukwatewa matombe. “Akuatewi a matombe . . . mbagahinganago Ufumu wa Nzambi.”​—1 Korinto 6:10.

Gushiya Muthu, Guzola Vumo. “Ushiyigo muthu ndo.”​—Guzoga 20:13.

Gukuya. “Ukuyigo ndo.”​—Guzoga 20:15.

Guhuiga. Yehowa wanumenga “kano gua guhuiga.”​—Ishima 6:17.

Mualu nu Khabu Jiabala. “[Yehowa] udi mudikuelegenya nu athu abola nu jimbundudi.” (Ngimbo 11:5) “Ndaga jiabola jia mila jidi . . . khabu.”​—Galatiya 5:19, 20.

Saga jia Fualanga. “Mukuatshigo ufuta nu muthu udi . . . mwenya [ngina, NW].”​—1 Korinto 5:11.

Gukhaphumuna Ilema ya Muila nu Iphuta. “Zumbienu adi n’enu umbalagaji, lombedienu adi mumimuenesa dilamba Nzambi.”​—Matayo 5:43, 44.

Ndaga jidi mutuleza Nzambi jidi mukunda nu gubonga guetu. Kumbi diagasue ishi leba hagutuna gukita ndaga jiabola. Mu gukwatesa gua Yehowa nu gua Mathemua enji, wajiya gutuna gutshita ndaga jianula gusuanguluisa Nzambi ndo.​—Yeshaya 48:17; Filiphi 4:13; Hebelu 10:24, 25.