Mbimbi jia Gisendeselo jia Gitshinyi gia 9

Gitshinyi egi gidi mumonesa malongo tuajiya guzula gudi mavuala, baprofete nu mafumu akhalele nu gutshigina guakola gudi Yehowa. Mona mukhetu mumoshi wazonda wa gu Isalele wakhalele gu Siliya, wakhalele nu gutshigina egi profete wa Yehowa mbawusaga Namana. Profete Elisha wakhalele musha mutshima egi Yehowa mbawumubamba gutuama dia mbalagaji jienji. Nganga-nzambi Wakoma Yoyada wahagele monyo wenji mu gingonza ha gubamba Yoase hagula khakh’enji Ataliya gamushiyigo. Fumu Ezekiase washile mutshima egi Yehowa mbawuhuluisa Yelusalema; gavilego woma wa ndaga jiakhalele muzuela enya Asiliya. Fumu Yoziase wakatudile isongo mu gifutshi, walondele luko tempelo nu wakuatesele athu ha guvutugile gikombelelo gia giamatshidia.