Longesa Athu mu Luholo Lualeba

Itshi Yesu Watshitshile?

VIDEO: Yesu Wakalegela Ifezegeselo idi Mumonesa egi Yehowa Wana Gutuzumba

1. Tala VIDEO, nga ndo tanga Matayo 6:25-27. Gungima hana mvutu gu mihu eyi:

1. Luholo lutshi ifezegeselo wakalegele Yesu idi mumonesa egi Yehowa wana gutuzumba?

2. Yesu wakhalele mujiya ndaga jiavula jiatadila tunjila, uvi mukunda natshi azuelele ndaga mu luholo lualeba? Mukunda natshi tudi muzuela egi yakhalele luholo luabonga lua gulongesa?

Longo Ditshi Tuazula mu Gifezegeselo gia Yesu?

2. Gula tudi mulongesa mu luholo lualeba, athu mbaashigo mujimbila ndaga tuaalongesa, mbatukuata nji mitshima yawo.

Landula Gifezegeselo gia Yesu

3. Ukhadigo muzuela muavula. Uzuedigo ndaga jiagasue udi mujiya mukunda nu longo mudi mulonguga, uvi zuelela muavula ndaga jidi mu mukanda mudi mulonguga. Gula wahula muthu muene muhu, nengena aguhane mvutu. Gula muthu muene gashigo mujiya mvutu, nga ndo wazuela ndaga imoshi ishigo gudivua nu malongo a Biblia, muhule mihu iko yazonda-zonda ha gumukuatesa ha guzola matangi. Gula muthu muene wakotelesa matangi a ndando, muajiya giwa gubalega.

4. Kuatesa muthu wana longesa Biblia ha gumona gudivua gudi mukatshi dia ndaga jiana jiya muene nu eji udi gumulongesa. Ha gufezegesa, gutuama dia gusendesa longo diana zuelela gufuzumuga, udi naye guvutugila mu guhihia ndaga mualongugile jiatadila athu afuile gale.

5. Kalegela ifezegeselo muabonga. Gutuama dia guhana gifezegeselo gimoshi, dihule egi:

1. ‘Gifezegeselo giene gidi gialeba ba?’

2. ‘Muthu ngana longesa Biblia mbawugikotelesa muabonga ba?’

3. ‘Gifezegeselo giene mbagimukuatesa ha guwunguluga matangi a ndando nga mbawukuata phamba gifezegeselo?’