Ha gulongesa Muabonga Tudi Naye Thomo Gudilodega

Yesu wahudiwe muhu watadila lujingu lua ivo nu ivo mahugo ayadi, uvi hugo nu hugo, wakhadile guhana mvutu ha gutadila nzala ya muthu wamuhula muhu wene. (Luka 10:25-28; 18:18-20) Hakiene, tuajiya gujiya muabonga ndaga jidi mu mukanda tuana gulongesela athu Biblia, uvi tudi naye thomo guyilondega nu gutangiza muthu tuana gulonguga n’enji. Milonga itshi yajiya guhana muthu muene lamba ha gukotelesa nga ha gutshigina? Verse itshi yasonegewa tudi naye gutanga nenji? Paragrafe guvula gutshi tuajiya gulonguga nenji? Yajiya gulomba egi tulondege gifezegeso gimoshi nga mihu ha gukuatesa mulongugi muene akuate malongo muabonga. Mukunda Yehowa wana gukudisa mbuto jia matshidia mu mitshima ya athu, tudi naye gumukombelela atukuatese tangua tudi gudilondega, luko akuatesa muthu muene akule mu nyuma.​—1 Kol. 3:6; Yak. 1:5.