Tukudise Luholo Luetu lua Gulongesa Mbimbi ya Nzambi​—Tukuatese Athu Tuana Longesa Biblia ha Gukula mu Nyuma, ha Gudihana Gudi Yehowa nu ha Gubatijiwa

IDI NU NDANDO ITSHI: Hagula egi Yehowa a atshigine, athu ana gulonguga Biblia adi naye guhana lujingu luawo gudi muene nu gubatijiwa. (1 Phet 3:21) Athu ana gujinga mu gudivua nu gudihana guawo gudi Nzambi, ana gubambewa mu nyuma. (Ngi 91:1, 2) Muklisto udi naye gudihana phamba gua Yehowa​—ashigo naye gudihana gua muthu, gua mudimo, nga gua oraganizasio imoshi ndo. Hene, athu ana gulonguga Biblia adi naye gukudisa guzumba guawo gudi Nzambi nu gumuhana mersi.​—Lomo 14:7, 8.

LUHOLO LUA GUYIKALAGALA:

• Tangua mudi mulonguga Biblia, zuelelenu ndaga jidi mutadila Yehowa. Zuelela muavula utangi wa Biblia wa lusugu nu lusugu nu gukombelela Yehowa “mahugo agasue.”​—1Tes 5:17; Yak 4:8

• Kolesa muthu wana gulonguga nenji Biblia ha gukhala nu felela dia gudihana gua Yehowa nu gubatijiwa. Luko, mukuatese hagutagenesa felela diko gula, guhana mvutu mu gudibungisa gua mu hungu, nu gulongesa Biblia gu’athu adi nenji hehi nga gua mafuta enji a mudimo. Jiya egi Yehowa anago gushinjiga muthu ha gumukombelela. Gudihana gua muthu gudi Yehowa gudi desizio dia muthu hakenji.​—Mikh 30:19, 20

• Kuatesa muthu wana gulonguga nenji Biblia ha gubalumuna khadilo dienji hagula egi asuanguluise Yehowa nu hagubatijiwa. (Ish 27:11) Handaga yakhala lamba ha gubemba khadilo nu makalegelo ako, tangua diagasue udi naye gukuatesa muthu wana gulonguga Biblia hagubemba umuthu wenji ukulu, ngenyi asudige umuthu muhemuhe. (Ef 4:22-24) Tangenu nenji mene jia La Tour de Garde jidi nu muto wa lumene egi “La Bible transforme des vies” (Biblia Yana Gubalumuna Khadilo dia Athu)

• Muwambele gusuanguluga udi nago luholo wana gukombelela Yehowa.​—Yesh 48:17, 18