Tumbuisa Yehowa nu Ngimbo nu Gusuanguluga Guagasue

Tangua Pholo nu Silase akhalele mu bologo, akhalele mutumbuisa Yehowa nu jingimbo. (Makal 16:25) Idi yadiago egi ngimbo jiene jiaakuatesele ha gukolesela. Uvi esue giwa mangino? Ngimbo tuana gukalegela mu gukombelela guetu jiajiya gutuhana gikhesa, jiajiya nji gutukuatesa ha gusala agujinginyina gudi Nzambi gula tuatagana nu malamba. Luko, ngimbo jiene jiana gutumbuisa Yehowa. (Ngi 28:7) Organizasio wana gututoga ha gukuata mbimbi jia ngimbo mu muto. Walolele gale guyitshita ba? Mu gukombelela guetu gua mu fami, tuajiya gulonguga ngimbo nu mbimbi jia ngimbo jiene.

TALENU VIDEO IDI MUZUELA EGI ANA ADI MUTUMBUISA YEHOWA MU NGIMBO. GUNGIMA, HANENU MVUTU GU MIHU EYI:

• 

  Guyimba ngimbo jia Ufumu guana gutubatela gubonga gutshi?

• 

  Luholo lutshi departema ya Audio/​Video yana gudilondega mukunda nu enregistrement ya ngimbo?

• 

  Luholo lutshi ana nu fami jiawo ana gudilondega mukunda nu enregistrement ya ngimbo?

• 

  Ngimbo jitshi jia Ufumu wana guzumba muavula? Mukunda natshi wana gujizumba?