Gubonga Gutshi Wajiya Guheta mu Ngimbo Jietu Jiko?

Mukatshi dia ngimbo jietu jiko, ngimbo jitshi wana zumba muavula? Mukunda natshi? Wana mona egi video jiene jiana zuelela ndaga tuana tagana najio mu lujingu luetu ba? Luholo ngimbo jiene jiakhala nu mito ya mene nu miziki yagudisha, jiana suanguluisa muthu wagasue. Uvi, ngimbo jietu nu video jia ngimbo jiana khalago phamba mukunda nu gubalegesa tangua.

Mu lungimbo luetu luagasue, tuana heta malongo a ndando ajiya gutukuatesa mu lujingu luetu nu mu mudimo wa gulongesa. Ngimbo jietu jiko jiana zuelela gikhesa, guzumba, gutshigina, khadilo dia gujinga hamoshi nu aphangi’etu, nu dia guhana. Uvi jiko jiana zuelela khadilo dia guditotesela, gudihana muavula mu mudimo wa Yehowa, gubamba gujinginyinyina guetu lusugu nu lusugu, nu ngolo aphangi ana gutshita ha guvutuga gudi Yehowa. Gudi nji nu lungimbo ludi mumonesa luholo tudi naye gukalegela telefone muabonga. Malongo atshi ako wahetele mu ngimbo jietu jiko?

TALENU VIDEO YA LUNGIMBO IDI HEHI HA GUZA, GUNGIMA HANENU MVUTU GU MIHU EYI:

• Gubonga gutshi phangi’etu wa yala nu mukaji’enji adi mutangiza ha guheta mu masugu adi muza?—Gis 12:3

• Luholo lutshi gujiya egi Yehowa udi nu ngolo jia gutagenesa mafelela enji, guana kolesa gutshigina guetu?

• Ndaga itshi ya gusuanguluga mbayikalegewa idi hehi ha guza?

• Luholo lutshi felela dia Ufumu diana gutukuatesa ha gukolesela mu malamba tudi mutagana nawo?—Lomo 8:25