Khala Wagudilondega mu “Masugu Awa a Gisugishilo”

Luholo tudi mujinga mu “masugu a gisugishilo,” tudi naye gujiya egi malamba mbalandula gudivudisa. (2 Tim 3:1; noti jia gulonguga jia nwtsty-F jia Mat 24:8) Akombeledi a Yehowa ana heta utuameji wabonga mu tangua diatagana gila lamba dimoshi dia abuila mu gisagumuisa. Gula tudi mutshigina guhuluga mu tangua diene, tudi naye gusendesa gudilondega kiawaha mangino mu nyuma nu gulondega ima yetu.—Luka 16:10.

• Khala wadilondega mu nyuma: Kudisa makalegelo abonga. Longuga maluholo agudisha a gulongesa. Uvuigo woma gila mu tangua dimoshi ngenyi ushigo hamoshi nu aphangi a mu hungu. (Yesh 30:15) Yehowa nu Yesu adi hehi nu aye.—od-F diyiji 176 par. 15-17

• Khala mulondega ima yaye: Gukatula kuba muajiya gulenga nadio, fumu yagasue wa inzo, udi naye guzula ndambo ya ima ya gudia nu meya nu ihemba mu luholo lua tagana. Yajiya gumikuatesa gila yatoga egi mubalegesa matangua avula fundo dimoshi.—Ish 22:3; g17-F No.5 diyiji 4, 6

TALENU VIDEO IDI MUZUELA EGI WADILONDEGA GALE MUKUNDA NU LAMBA DIAJIYA GUBUA MU GISAGUMUISA BA? GUNGIMA HANENU MVUTU GU MIHU EYI:

• 

  Luholo lutshi tuajiya gudilondega mu nyuma mukunda nu lamba diajiya gutubuila?

• 

  Mukunda natshi tudi naye . . .

  • gulandula guta maga nu akulu?

  • gulondega kuba dietu dia gulengela?

  • guzuelela maluholo a malamba ajiya gutubuila nu ndaga tudi naye gukalagala mu tangua dia lamba diagasue?

• 

  Mu maluholo atshi thathu tuajiya gukuatesa aphangi ako adi mutagana nu malamba?

DIHULE EGI: ‘Malongo atshi ngazudi atadila luholo lua gudilondega mu sungi ya misongo ya Coronavirus?’