Wadilondegele Gale Mukunda nu Ndaga ya Lamba Yajiya Gubua Fundo Wana Khala Ba?

Luholo gisugishilo gia mavu awa giasuena hehi, tuana jiya egi tuajiya gutagana nu ndaga jia lamba gifua ita nu ndaga jia khuta. (Gum 6:4) Luholo lutshi tuajiya gudilondega mukunda nu malamba ajiya gutubuila mu masugu adi muza?

• Gudilondega mu nyuma: Khalenu mukamba gujiya malongo adi mu Biblia nu mene jiayiya gumikuatesa ha gusha mutshima gudi Yehowa nu mu ulondengi wenji. Gutshita ngenyi mbagumikuatesa ha gutuna gudinginyisa mu ndaga jia ha mavu awa. (Ish 12:5; jr-F diyiji 125-126 par. 23-24) Didi tangua dia gukolesa ufuta wetu nu aphangi a mu hungu.—1Pt 4:7, 8

• Gulondega ima yetu: Kamba gujiya luholo wajiya gusala muwubambi gula ushigo nu luholo lua gukatuga fundo udi. Londega nji ima ya gudia nu meya nu ima iko yajiya gumikuatesa. Kamba gujiya ndaga mbawutshita gula wamone egi udi naye gukatuga fundo udi. Khala mutala ima wambile mu kuba dia gulengela. Mu kuba diene wajiya nji gumba ima yajiya gugukuatesa ha gudibamba nu makuta. Udi naye gujiya luholo mbawutamega akulu. Udi naye gukamba gujiya gula ene nji wawa mujiya luholo ajiya gugutamega.—Yesh 32:2; g17.5-F diyiji 3-7

Gula ita yabua fundo mudi naye gulandula gutshita ndaga jia mu nyuma. (Fili 1:10) Idi nu ndando ha gukhala gu inzo ha fundo dia gulaba guya nu guwenda. (Mat 10:16) Gula udi nu ima ya gudia nga ima iko, wajiya nji gukhaphela athu ako.—Rm 12:13.

TALESA VIDEO WADILONDEGA GALE MUKUNDA NU LAMBA DIAJIYA GUBUA MU GISAGUMUISA BA? GUNGIMA HANENU MVUTU GU MIHU EYI:

• Luholo lutshi Yehowa wana gutukuatesa mu tangua dia lamba?

• Luholo lutshi tuajiya gudilondega?

• Luholo lutshi tuajiya gukuatesa athu adi mubuila malamba?