Wadilondega Gale Ba?

Gila lamba dimoshi diabua mu dimbo dienu mu gisagumuisa, mbadigusanga wadilondega gale ba? Gudigita gua mavu, mvula jia ikudi, nu tshiuya, nu meya a mvula, nu guzala gua mita, yajiya gutubuila mu gisagumuisa. Ngenyi, yajiya gubolesa ima yavula. Luko, ita, milonga ya enya politike, ba terroristes nu misongo, yajiya gubua mu dimbo dietu mu gisagumuisa. (Mulo 9:11) Hene, tushigo naye gutangiza egi ndaga jia luholo elu jiajiyilego gubua mu dimbo dietu.

Muthu wagasue mukatshi dietu udi naye gudilondega mukunda nu ndaga imoshi yajiya gutubuila mu gisagumuisa. (Ish 22:3) Organizasio wa Yehowa wana gutukuatesa gula lamba dimoshi ngenyi diatubuila mu gisagumuisa. Uvi, muthu wagasue udi nu ginemo gia gudilondega gutuama.—Gal 6:5.

TALENU VIDEO IDI MUZUELA EGI WADILONDEGA GALE MUKUNDA NU LAMBA DIAJIYA GUBUA MU GISAGUMUISA BA? GUNGIMA, HANENU MVUTU GU MIHU EYI:

• 

  Luholo lutshi gukhala nu ufuta wabonga nu Yehowa guajiya gutukuatesa gula lamba diatubuila mu gisagumuisa?

• 

  Mukunda natshi idi nu ndando egi . . .

  • • tukhale muta maga muabonga nu akulu gutuama, mu tangua dia lamba diene nga gungima?

  • • tulondege kuba tuajiya gulenga nadio gula lamba diene diabua?—g17.5-F diyiji 6

  • • tuzuelele gutuama malamba ajiya gutubuila mu gisagumuisa, nu ndaga tuajiya gutshita gula malamba ene abua?

• 

  Ndaga jitshi thathu tuajiya gutshita ha gukuatesa athu ako gula lamba diaabuila mu gisagumuisa?