MAKALEGELO A UKLISTO

Kuatesa Athu Anago Gukombelela Nzambi ha Gujiya Mufugi Wawo

Matangua ako wana guvua woma ha gulongesa athu anago gukombelela handaga wana tangiza egi mbaashigo mutshigina ba? Gula idi ngenyi, jiya egi athu avula akhalelego mukombelela nu ene anyi akhalelego mutshigina egi Nzambi wakhala guene abuile gale Matemue a Yehowa. Matangua avula, athu ene ana khala nu funu ya ijiyishilo idi guatshiginyisa egi Nzambi wana khala guene.—Rm 1:20; 10:14.

TALENU VIDEO JIYA EGI ATHU ANYI AKHALELEGO NU GUTSHIGINA AJIYA GUBUA NU GUTSHITINA!—ATHU ANYI ANAGO GUKOMBELELA NZAMBI, GUNGIMA HANENU MVUTU GU MUHU OWU:

Luholo lutshi eksperianse ya phangi Tommaso ya gukuatesa ha gukhala nu matangi abonga tangua udi mulongesa athu anyi anago gukombelela?

Mvutu yaye

Luholo wajiya guyikalagala

Gula muthu wa guwambela egi ganago gutshigina egi Nzambi wakhala guene, khala nu gisemo, zuela nu gutema ha gumonesa egi udi muzula matangi enji nu ndando. (2Tm 2:24) Zuelelenu ndaga jiajiya gumusuanguluisa. Gula muthu muene udi mutshigina gujiya ndaga jiana tuma athu avula ha gutshigina egi Mufugi wakhala guene, kalegela mikanda nga video jiana zuelela ndaga yene. Ambile gale tumikanda La vie a-t-elle été créée? nu Cinq questions à se poser sur l’origine de la vie mu Ikadigilo yetu ya Gulongesela Biblia hagula muthu wagasue wajiya guyiheta muphushi.

Matangua ako wajiya guvua woma ha gusendesa guta maga nu muthu ganago gutshigina egi Nzambi wakhala guene. Gula idi ngenyi, toga ukuateshi gudi mulongeshi udi nu eksperianse yavula. Jiya nji egi Yehowa wajiya gutukuatesa ha gulongesa athu adi nu mitshima yatagana ikhale athu ene anago gutshigina egi Nzambi wakhala guene.—Mkl 13:48.