Malongo Wajiya Guzula mu Ifuanesa

Mikanda yetu yana khala nu ifuanesa yavula yana gutulongesa malongo a ndando. Luholo lutshi ifuanesa yene yajiya gugukuatesa?

• Gutuama dia gutanga longo dimoshi, sendesa gale nu gutala ifuanesa. Ifuanesa yene yajiya guguhana nzala ya gutanga longo diene. Gula wamona ima ya gudia yabonga, wajiya guvua mutshima zagu-zagu egi nga wayidi gale. Luholo lumoshi nji, wajiya gudihula egi: ‘Itshi ngudi mumona?’​—Amosa 7:7, 8.

• Tangua udi mutanga longo dimoshi, kamba gujiya gishina atombela gifuanesa gimoshi. Tanga mbimbi jiasonegewa goshi’a gifuanesa giene nga ndo tanga mbimbi goshi’a diyiji jidi mukotelesa gifuanesa giene gula jidi guene. Kamba gudivua gudi mukatshi ndaga udi mutanga nu gifuanesa giene, tala nji luholo jiajiya gugukuatesa mu monyo waye.

• Gungima dia gutanga, tala luko ifuanesa yene ha gugukuatesa ha guwunguluga matangi a ndando walonguga. Gungima kanga meso, kamba guwunguluga ifuanesa yene nu malongo a ndando yagulongesa.

• Gula luholo ludi guene, tala luko ifuanesa idi mu zulunalu eyi, kamba nji guwunguluga malongo wazudi mu ifuanesa yene.