Akuatese ha Gulandula Gukombelela Yehowa

Gula tuakuatesa alongeshi ahe-ahe ha gulongesa muavula nu gikhesa giagasue, mbaabua alongeshi abonga diago mu masugu adi muza. (Ish 22:6; Fili 3:16) Tala ndaga wajiya gukalegela ha gukuatesa muthu wana gulongesa Biblia ha gukudisa nzala ya mudimo wa gulongesa:

• Tangua muthu wana gulongesa Biblia watshiginyiwa ha gubua mulongeshi, sendesa gumuhana formasio. (km-F 8/15 diyiji 1) Mukotelesele funu ya guya mu mudimo wa gulongesa phoso nu phoso. (Fili 1:10) Zuelela ndaga jiabonga jidi muhana gikhesa mukunda nu terituare. (Fili 4:8) Mukolese ha gulongesa hamoshi nu mutadi wa hunji dia alongeshi (Surveillant de groupe de prédication), nu alongeshi ako hagula amone luholo ana gulongesa.​—Ish 1:5; km-F 10/12 diyiji 6 par. 3

  

• Gula muthu wana gulongesa Biblia wabatijiwa, landula gumuhana gikhesa nu formasio mu mudimo wa gulongesa, udi naye gukalagala ngenyi gula khenji gamanesela gale ndo mukanda “Amour de Dieu.”​—km-F 12/13 diyiji 7

  

• Tangua mudi mu mudimo wa gulongesa nu mulongeshi muhe-muhe, kalegela ba metode aleba. Gungima dia gutegelela luholo luenji lua gulongesa, mushimane nu guzumba guagasue. Muhane malongo ajiya gumukuatesa ha gukhala mulongeshi wa gikhesa.​—km-F 5/10 diyiji 7