LONGO DIA 02
Biblia Yana Hana Felela Diabonga Mukunda nu Masugu Adi Muza
Ha mavu agasue athu adi mutagana nu ndaga jidi guahana gikenene, jidi guasagesa nga jidi guabatela malamba ako. Wataganele gale nu ndaga ya luholo elu ba? Yajiya gukhala egi udi gudisagesa handaga udi nu misongo, nga ndo, handaga muthu wana zumba muavula wafui. Matangua ako wajiya gudihula egi: ‘Gudi nu lusugu malamba mbaahua ba?’ Biblia yana hana mvutu yatagana gu muhu owu.
1. Felela ditshi Biblia yana hana mukunda nu masugu adi muza?
Biblia yana gutukotelesela gishina malamba adi avula ha mavu. Yana gutuwambela nji egi gualeha ndo malamba ene agasue mbaahua. Malongo adi mu Biblia ajiya ‘guguhana felela diabonga mukunda nu masugu adi muza.’ (Tanga Yelemiya 29:11, 12.) Felela diene diana tukuatesa ha gukolesela mu malamba tudi mutagana nawo nu ha gukhala nu gusuanguluga mangino. Diana tukuatesa nji ha gujiya egi mbatuheta gusuanguluga gua ivo nu ivo.
2. Itshi Biblia yana longesa mukunda nu masugu adi muza?
Biblia idi mumonesa egi mu masugu adi muza ‘gufua mbagukhadigo luko, nga gudila nga gutataganya. Lamba nji mbadikhadigo luko.’ (Tanga Yatuwuwe 21:4.) Ndaga jiagasue jiana sagesa athu mangino gifua uphutu, ndaga jiabola, misongo nga gufua mbajikhadigo luko. Biblia idi muhana felela egi athu mbaakhala nu gusuanguluga ivo nu ivo mu phaladiso ha mavu.
3. Itshi yajiya gugukuatesa ha gutshigina egi mafelela adi mu Biblia mbaatagana?
Athu avula ana gudifelela egi ndaga mbajibonga mu monyo wawo, uvi anago gujiya gula ndaga jiene mbajitagana nga ndo. Uvi mafelela adi mu Biblia adi agudisha. Ha gukolesa gutshigina guetu mu ndaga jiana zuela Biblia, tudi naye ‘guyilonguga muabonga diago.’ (Makalegelo 17:11) Tangua udi mulonguga Biblia, wajiya gutomba hakhaye ha gutshigina malongo enji nga ndo.
NDAGA JIKO JIA NDANDO
Tala ndaga Biblia yana longesa mukunda nu masugu adi muza. Tala nji luholo mafelela adi mu Biblia ana kuatesa athu mangino.
4. Biblia idi gutulaya egi mbatuheta monyo wa ivo nu ivo ha mavu ashigo nu malamba
Tala mafelela adi gutuhana Biblia. Felela ditshi didi gugusuanguluisa muavula? Mukunda natshi?
Tanga verse jiagasue jidi gungima dia mafelela awa, gungima zuelelenu mihu eyi:
Verse eji jia gusuanguluisa ba? Udi mumona egi jiajiya nji gusuanguluisa enya fami yaye nu mafuta aye ba?
Tangiza gale egi ha mavu agasue
GUSHIGO NU MUTHU UDI MUTAGANA NU NDAGA EJI: |
ATHU MBAASUANGULUGA HA GUMONA NDAGA EJI: |
|---|---|
|
|
|
|
|
|
|
|
|
|
5. Mafelela adi mu Biblia ajiya gusombegesa monyo wa muthu
Athu avula ana guleba muila nga guvua khabu tangua ana mona ndaga jidi mukalegewa ha mavu awa. Ako ana kamba maluholo ajiya gusombegesa ndaga jiene. Uvi Biblia idi muhana felela egi ndaga mbajisombegesa ha mavu. Tala luholo felela diene diana kuatesa athu avula mangino. Talenu VIDEO, gungima zuelelenu mihu eyi.
Mu video eyi, ndaga itshi yabola yakhalele musagesa Rafika?
Ndaga jiakhalele gumusagesa jiahuilego, uvi luholo lutshi Biblia yamukuatesele?
Yajiya gukhala egi tudi mutagana nu malamba, uvi gusha mutshima mu mafelela adi mu Biblia atadila masugu adi muza, guajiya gutukuatesa ha guheta gikhesa nu gusuanguluga. Tanga Ishima 17:22 nu Lomo 12:12, gungima zuelelenu mihu eyi:
Ndaga jiana longesa Biblia mukunda nu masugu adi muza jiajiya gusombegesa monyo waye mangino ba? Mukunda natshi?
ATHU AKO ANA ZUELA EGI: “Ndaga jiana longesa Biblia mukunda nu masugu adi muza jidi jia mambo.”
Mukunda natshi udi naye guditadila hakhaye gila ndaga jiene jidi jia giamatshidia nga ndo?
NDAGA WALONGUGA
Biblia yana longesa ndaga jiavula mbajitagana masugu adi muza. Malongo ene ana gutuhana felela, ana gutukuatesa nji ha gukhala nu gusuanguluga mangino.
Mihu ya Guvutugila
Mukunda natshi athu adi naye gujiya mafelela adi mu Biblia?
Ndaga itshi Biblia yana longesa mukunda nu masugu adi muza?
Luholo lutshi gukhala nu felela diatadila masugu adi muza guajiya gugukuatesa mangino?
TALA NDAGA EJI
Tala luholo mafelela a Biblia ajiya gugukuatesa tangua udi mutagana nu malamba.
Tala luholo gusha mutshima mu ndaga jiana longesa Biblia mukunda nu masugu adi muza guajiya gukuatesa athu ana kata misongo yakola.
“ Vivre avec une maladie chronique: la Bible est-elle utile?” (Longo edi didi mu jw.org)
Tangua udi mutala video eyi, tangiza gifua aye nu enya fami yaye mudi musuanguluga mu phaladiso.
Muthu mumoshi wakhalele mukamba gusombegesa ndaga ha mavu, uvi tala luholo malongo a Bilblia amukuatesele ha gusombegesa monyo wenji.
“Je ne pense plus devoir changer le monde” (Inzo Yaleha ya Mutaledi ya 1 juillet 2013 ya Français)