MAKALEGELO A UKLISTO
Khala Mushila Yehowa Mutshima Tangua udi Musagesewa
Usageshi wajiya gutubatela malamba nga gutuhana gikenene giavula. Gula tudi muvua woma tangua tudi musagesewa, tuajiya guleba mu nyuma. Luholo lutshi wajiya gudibamba tangua udi musagesewa?
Akombeledi avula a Yehowa ana binga tangua ana tagana nu usageshi handaga ana shila Yehowa mutshima. (Ngi 18:17) Ha gufezegesa, Esete wawambelele fumu ndaga jiabola jiakhalele mutshita Amana. (Es 7:1-6) Gutuama dia gutshita ndaga yene, watunyile gudia ha gumonesa egi wakhalele mushila Yehowa mutshima. (Es 4:14-16) Yehowa wamukuatesele, wamubambele hamoshi nu enya Yuda n’ako.
Mavuala, gula mudi musagesewa togenu ukuateshi gudi Yehowa, wambelenu nji ndaga yene gudi athu agukula gifua mvuaji jianu. Muajiya gusha mutshima egi Yehowa mbawugukuatesa gifua luholo luakuatesele muene Esete. Itshi iko wajiya gutshita gula udi musagesewa?
TALENU VIDEO MA VIE D‘ADO: COMMENT JE PEUX FAIRE FACE AU HARCÈLEMENT? GUNGIMA HANENU MVUTU GU MIHU EYI:
Malongo atshi mavuala ajiya guzula mu gifezegeselo gia phangi Charlie nu Ferin?
Malongo atshi mvuaji jiajiya guzula mu ndaga jiazuela phangi Charlie nu Ferin mu ndaga yatadila gukuatesa an’awo tangua adi mutagana nu usageshi?